7.1佔領立法會案|劉頴匡親求情 進入立法會是擔心示威者「以死相搏」 「畀我重新揀多一百次,我都會入去⋯⋯我寧願坐監,都唔想見到有人流血」

分享文章

2019年7月1日示威者佔領立法會案 ,民主派初選47人案被告劉頴匡及鄒家成、港大學生會前會長孫曉嵐等7人審前承認暴動罪,藝人王宗堯等4人受審後被裁定暴動罪成,時任《熱血時報》記者及城大編委記者則暴動罪脫,但「進入或逗留在會議廳範圍」罪成。部分被告早前已求情,暫委法官李志豪今(11日)在西九龍裁判法院(暫代區域法院)聽取鄒家成及劉頴匡的求情。

劉頴匡親自陳情,憶述他最初幾乎沒有思考便前往立法會,只因擔憂示威者在絕望下「以死相搏」,「即使畀我重新揀多一百次,我都會入去(會議廳)⋯⋯我寧願坐監,都唔想見到有人流血」。

劉坦言,他曾考慮離港逃避刑責,但他仍決定準時報到,「我唔想一生都返唔到我最愛嘅城市,亦唔想公眾覺得呢場運動嘅門面人物都係只顧自己安危,我想公眾知道真係有人願意兌現齊上齊落呢個承諾⋯⋯⋯既然我同情示威者,我願意同佢哋一齊坐監」。

劉表示,今次陳情他沒有更鮮明地表態,可能有支持者對他失望,但他希望「做番一個稱職嘅男朋友,過番一個30歲嘅人應該要過嘅人生」,「但有啲嘢冇變過,我仍然好愛香港,我仍然好愛呢個地方嘅人,我仍然希望保留善良同純真,無論人哋點睇我都好,做人對得住自己、對得住天地良心」。【7.1佔領立法會案報道結集】

劉頴匡沒有律師代表,親自讀出求情信。劉求情期間,暫委法官李志豪8度打斷發言,提醒劉不要發表政見、毋須講述案發時的心路歷程等。

會考六優三良「拔尖」 獄中修讀語言及翻譯學士

劉頴匡求情強調,他出身基層家庭,「屋企連冷氣機都冇」,小時候最常流連公共圖書館,最後會考以六優三良成績「拔尖」,入讀中文大學中文系(2012年),但其後因為參與社運「無心向學」,沒有完成學位。劉透露,他在獄中修讀語言及翻譯榮譽學士課程,至今已有兩年多,他決意完成學業,期望出獄後可完成外出實習的學分。

劉憶述,2010年反高鐵運動之中,他首次認識立法會議事過程,知道有「小圈子選舉」,明白香港議會並非完全民主,自此關心政治和社會發展;他在中大讀書期間,又經歷Starbucks進駐校園的事件,最終爭議透過論壇討論、全民投票方式平息,「我感受到民主嘅可貴,同樣嘅價值套用落社會,可以解決社會問題」。

劉指他於2013年加入「新民主同盟」,並且義務擔任沙田區社區主任,其後擔任全職區議員助理,立志服務街坊和從事地區工作,亦希望幫助基層學生的學業,「我親身見到好多年青人對前途冇希望、搵唔到價值,呢個係成個社會風氣有份促成,要由根本上推動社會改革,但單憑我一個人係做唔到⋯⋯」

擔心示威者安危 遇立會內示威者寫好遺書放背囊

劉憶述,反修例運動初期,開始有市民輕生,他當時害怕示威者繼續「以死相搏」,至2019年7月1日,不少聲音指7.1是展示民意的最後機會,要放手一搏「不成功便成仁」,更形容為「Endgame」,他當時深感憂慮。劉指他案發當晚抵達現場時,示威者已闖入議事廳破壞,他直言從沒想過示威者會武力硬闖,他亦以為警方必會果斷採取行動阻止,所以他當時感覺情況「好詭異」,加上社會氣氛絕望,令他非常擔心示威者安全,「我幾乎冇做任何思考,就決定前往立法會」。

劉強調,他路上只從示威者手中取得護目鏡等防護性裝備,沒有去取鐵枝、自製盾牌等攻擊性武器;他也戴上顯眼的單車頭盔,可見他無意隱藏身分行事。劉指他到達議事廳後,現場人數不斷減少,又傳出警方將會武力清場的消息,他參與了是否留守的討論,其中一個畫面他尤其深刻,「有一個示威者望住我,用好冷靜嘅聲線同我講,就算剩番我一個,我都會繼續留守,佢眼神好堅定,遺書都寫好,就擺喺個背囊入面」。

準時回港報到 想公眾知道「有人願意兌現齊上齊落」

劉續指,他當時尊重留守示威者的選擇,與大部分示威者撤出大樓,並手持大聲公向傳媒宣布撤走的決定;他撤出大樓後,再有人用大聲公喊「一齊嚟一齊走」,湧入會議廳,最後全部示威者成功離開。劉認為,他成功實現初衷,「令當時傷亡減到最少,警方清場唔需要面對示威者嘅反抗⋯⋯我冇水晶球,我唔知道如果我冇入到去,有冇蝴蝶效應,會唔會有另一個結果?」但不論如何,最終結果都是他所樂見,「即使畀我重新揀多一百次,我都會入去⋯⋯我寧願坐監,都唔想見到有人流血」。

劉直言,他曾經考慮過離開香港逃避刑責,亦有人勸他不要再留港,但他很快便決定要準時回港報到,「我唔想一生都返唔到我最愛嘅城市,亦唔想公眾覺得呢場運動嘅門面人物都係只顧自己安危,我想公眾知道真係有人願意兌現齊上齊落呢個承諾」。劉承認,他是示威者一分子,亦因同情示威者進入立法會,「既然咁樣就係犯法,我願意負擔責任,既然我同情示威者,我願意同佢哋一齊坐監」。

直問法官:「你有冇了解過入獄嘅人要面對乜嘢?」

劉一度放下手中信件,看着法官謂:「我相信咁多年以嚟,法官閣下判過好多人坐監。但你有冇了解過入獄嘅人要面對乜嘢?」劉形容坐監「幾難捱」,令他錯過人生不少重要階段,正當他身邊朋友開始結婚生仔、追尋夢想,「我嘅夢想就令我要坐監」,而他的女友就要為他奔波勞碌、犧牲生活。

劉坦言,他的陳詞放棄了更鮮明的表態,可能有支持者會對他失望、認為他不是稱職的政治人物,「我希望做番一個稱職嘅男朋友,過番一個30歲嘅人應該要過嘅人生⋯⋯但有啲嘢冇變過,我仍然好愛香港,我仍然好愛呢個地方嘅人,我仍然希望保留善良同純真,無論人哋點睇我都好,做人對得住自己、對得住天地良心」。【7.1佔領立法會案報道結集】

法院:西九龍裁判法院(暫代區域法院)
法官:暫委法官李志豪
被告:黃家豪、羅樂生、何俊諺、畢慧芬、孫曉嵐、潘浩超、馬啟聰、王宗堯、沈鏡樂、劉頴匡、吳志勇、范俊文、林錦均
控罪:暴動罪、非法集結罪、進入或逗留在會議廳的範圍罪、刑事損壞罪
案件編號:DCCC606-610/2020、DCCC1069/2020、DCCC259/2021(已合併)
被告:鄒家成
控罪:暴動罪
案件編號:DCCC1124/2022

如欲接收每日報道整合,請在訊息欄內填寫電郵地址

訂閱及追蹤我們