時任男警涉嫌於休班期間，在尖沙咀盜竊他人的iPhone 14 Pro，他否認一項盜竊罪，今（13日）在九龍城裁判法院開審。庭上播放男警的警誡錄影會面，他提及見到醉酒男子坐在路邊，其電話放在大腿間，他曾問男子：「我攞你啲嘢，O唔OK呀？得唔得呀？」不過對方沒有反應。被告自言身為警察，有責任「保障」男子的財物，遂將涉案電話放入褲袋，打算帶至警署報失。他在會面中強調，「我做咗38年警察，冇大嘅過錯，我問心無愧⋯⋯亦都可能俾少少酒精令我判斷力美中不足，做得未能夠盡善盡美」。
警方未警誡之下 被告曾認因「貓咗」且貪心才犯案
報稱警員的被告蘇志華（56歲），據悉他已離職。蘇否認於2023年4月8日在尖沙咀加拿分道與河內道交界附近燈柱，偷竊一部屬於范浩的手提電話，價值11,099元。
甫開庭，控方在庭上稱，被告遭截停時曾承認「我貓咗，先會一時貪心攞走咗個電話」，又雙手合十跪地狀似求饒，要求警員「唔好俾家人知」，由於當時警員尚未警誡被告，故控方不會依賴上述口頭招認。
事主范浩以普通話作供稱，當晚在附近喝了很多酒，其後在行人路上睡著，無印象見過被告，亦無將電話交予他人保管。
被告警誡會面稱 自覺有責任保障事主貴重財物
庭上播放被告的警誡錄影會面，被告在會面中透露，他當時任職高級警員、駐守香港仔分區軍裝巡邏第4隊。4月7日晚上，他相約友人到尖沙咀酒廊消遣，翌日凌晨兩時許離開，他見到一醉酒男子坐在路邊，並數次拍男子肩膀，惟對方無反應。
被告向錄取會面的警員稱，當時留意到男子大腿間放了一部電話，他曾問男子道：「我攞你啲嘢，o唔ok呀？得唔得呀？」不過對方沒有反應。被告自言：「我身為一個警察，現役嘅，雖然我落咗更⋯⋯我覺得我有需要保障一個咁貴重嘅財物，所以用手執起佢」，他將電話放入自己褲袋，打算坐的士到警署報失。
開初無表露警員身分 被告稱「覺得自己冇做錯嘢」
數分鐘後遭3名便衣警員截停，其中一警員向他稱「乜你咁多手㗎」、「頭先你好似執咗部電話喎」，被告從褲袋取出涉案電話，被指示靠在牆邊，被告遂稱：「我都係警察，守香港仔嘅。」他其後被捕。
至於被查問開初無披露警員身分，被告在會面中解釋「我作為警察，我覺得自己冇做錯嘢」，故當下冇提及警員身分，惟同袍似乎認為他有所隱瞞，遂表露身分。
錄取會面的警員問被告，為何當下無考慮報警處理？被告稱「冇意識做呢個動作」，亦深信男子醒後會報案，因此當刻最重要的是將電話帶到警署報失，警員追問道：「你覺得財物比佢（事主）嘅性命更加緊要？」被告同意，因事主仍有呼吸脈搏，身上不見傷痕，沒有遇襲跡象，不過現時回想，最理想是將事主及電話一併交予同袍處理。
「我做咗38年警察，冇大嘅過錯，我問心無愧」
錄影會面尾聲，被告重申：「我做咗38年警察，冇大嘅過錯，我問心無愧，呢啲事件從來未發生過，亦都可能俾少少酒精令我判斷力美中不足，做得未能夠盡善盡美，但我都係嗰句，我只係想將呢個電話、呢個財物，盡早及時地送去差館，早日保管。」審訊明續。
法院：九龍城裁判法院
法官：裁判官葉啓亮
被告：蘇志華
控罪：盜竊罪 《盜竊罪條例》第9條
案件編號：KCCC1341/2023
