時任沙頭角分區指揮官、警司陸振中被指前年在粉嶺熟食中心殘廁，三度強迫女下屬口交等，陸另涉在不足一個月後，於區內危險駕駛及襲擊3名下屬，他否認7罪受審，今（19日）在區域法院踏入第6天審訊。事主X在盤問下稱，她本不想出席2022年7月15日的飯局，但因「得我一個唔去好奇怪」，而經歷6月底遭被告非禮的事件後，這次她「冇點飲酒」。
辯方在庭上播片，顯示X與一名同僚在收銀處「攬頭攬頸」，X同意並非受酒精影響，又指兩人只在「玩」。辯方質疑，該同僚是X早前所指、其中一位袖手旁觀的人，X表示被告是警司，同僚只是督察，換位思考亦未必有勇氣發聲，哭稱：「所以我唔怪佢哋囉，因為我又冇同佢哋求救⋯⋯」X續抽泣道：「反而被告對我嘅傷害更大，我冇時間諗其他嘢，我要諗自己點樣康復，點樣去遺忘呢件事，點樣去重新出發⋯⋯」審訊明續。【案件報道結集】
被告陸振中（43歲，警察）否認7罪受審。3項「猥褻侵犯另一人」罪控罪指，被告於2022年6月22及23日，在粉嶺聯和墟街市熟食中心傷殘人士洗手間內3度非禮女子X。陸另被控各1項危險駕駛、襲擊他人致造成身體傷害、有意圖而導致身體受嚴重傷害及普通襲擊罪，均於同年7月15日在粉嶺一停車場內發生。被告涉危險駕駛、襲擊女子X令她造成身體傷害、意圖導致男子蔡文浩身體受傷、襲擊男子賴文顯。
被告早已在住所樓下 「好似鬼咁樣纏住我」
辯方大律師鄭明斌今午續就被告送小米手機一事盤問X。X稱，2022年7月8日，她鼓起勇氣前往被告的辦公室，以男朋友作為擋箭牌，表達男友知道她的GPS定位，警告被告不要再騷擾她，但被告指她的手機不乾淨、遭人入侵。直至同月13日，X在辦公桌上見到一個文件夾，內有一部全新小米手機，她同日傍晚6時半致電被告查證，表明手機貴重不能收，被告卻稱「唔得，你要收」，甚至翌日當面命令她一定要用該手機，否則「畀唔到嘢你做」，因此她在同月15日開始使用該小米手機。
辯方指，事實上該部新手機亦附上一個手機殼，故問X：「如果我話畀你聽，係被告之前問過你想要咩顏色，你自己揀嘅，同唔同意？」X不同意。
辯方續指，X在主問時提到，7月13日看到被告發出的一則微信訊息，提及翌日要接載她上班，其後被告撤回訊息。辯方今問X，為何7月14日早上在住所樓下迴旋處會合被告，讓被告接載上班？X稱：「唔係會合喎⋯⋯佢一早已經喺樓下，好似鬼咁樣纏住我。」辯方追問X有否拒絕被告，X稱她有表示「我可以搭的士」。
乾杯時只喝一兩口 「內心唔鍾意」表面扮開心
至於2022年7月15日晚的飯局，X在盤問下確認出席者包括被告、總督察黃燦熊、督察蔡文浩和賴文顯、數名警署警長共14人。辯方關注，X經歷了6月底的事件後，這次有否擔心或有所避忌？X坦言其實不想出席，但「得我一個唔去好奇怪」，不過當晚「冇點飲酒」，當眾人圍在一起乾杯時，她只喝一至兩口，「內心唔鍾意，但表面扮到好開心，因為佢哋個個都好盡興，如果我一個苦瓜乾喺度，會畀人覺得唔合群」，X形容自己猶如戴上面具。
庭上播放閉路電視，X確認她應被告要求，持被告的卡前往收銀結帳。辯方追問X是否樂意這樣做，X稱此為被告的命令，「唔想做都會做」。
辯方指出，片段見到X與督察賴文顯在收銀處「攬頭攬頸」，關注X當時受酒精影響，還是清醒之後作出該動作，X答指「玩囉」。辯方即指出，賴是X口中所指，6月22日晚其中一位袖手旁觀、「你認為見到當見唔到（被告拉她入殘廁）嘅男子嚟㗎喎」。X表示，她曾代入同僚角度思考，被告是一名警司，他們只是督察，「未必有勇氣去出聲」、「未必知道當刻應該點樣處理」，而督察蔡文浩已盡力阻止被告帶她入殘廁，X哭稱：「所以我唔怪佢哋囉，因為我又冇同佢哋求救⋯⋯」
辯方再問：「即係原諒咗佢哋喇？」X重申從來沒有怪責同僚，辯方即指：「所以唔存在原唔原諒㗎喇啵。」X稱沒有思考該問題，事情已發生，「諗嚟都冇意思」，她邊抽泣邊道：「反而被告對我嘅傷害更大，我冇時間諗其他嘢，我要諗自己點樣康復，點樣去遺忘呢件事，點樣去重新出發，我真係冇心機去諗其他事情，因為我都好困擾。」審訊明續。
法院：區域法院
法官：暫委法官勞潔儀
被告：陸振中
控罪：猥褻侵犯、危險駕駛、襲擊他人致造成身體傷害、有意圖而導致身體受嚴重傷害、普通襲擊
案件編號：DCCC137/2023
如欲接收每日報道整合，請在訊息欄內填寫電郵地址
