警司陸振中涉非禮及襲擊下屬｜被告同意自己是「有人格嘅男人」不會隨便掂女同事　控方播閉路電視片段見被告搭女事主膊頭　「近乎想攬住佢」

分享文章

時任沙頭角分區指揮官的警司陸振中，涉2022年6月在粉嶺熟食中心殘廁三度強迫女下屬口交，另涉同年7月醉酒後危險駕駛及襲擊下屬，他否認7罪受審，今（7日）在區院踏入第29天審訊。陸今續作供，被控方問到：「你作為有人格嘅男人，唔會隨便掂你啲女同事？」，陸指：「係」。

控方續指，陸於指稱非禮事件發生後數度接載女事主上下班，於其中一次車程中，兩人一度到龍尾灘，閉路電視片段顯示陸曾主動搭事主的肩頭，其後更「近乎想攬住佢」。陸強調當時事主告知他私事、情緒波動，故他拍其膊頭鼓勵，控方質疑指：「用口講，唔係用手㗎喎」，陸回答指：「我哋工作入面，男男女女，都會掂下膊頭」。陸續指，他會與男同事擁抱、搭女同事肩頭，「男男男女男女或者女男都有發生」。

控方並指片段顯示陸近乎從後熊抱事主。陸否認當時熊抱事主，但同意控方指畫面顯示事主曾推開陸，明顯想與陸保持距離。控方詢問，陸與事主到偏僻的地方作出「咁近嘅身體接觸」，導致事主要推開他，「情況係唔恰當嘅，喺警隊裏面嚟講？」陸同意。【警司陸振中涉非禮及襲擊下屬案報道結集】

訂閱《庭刊》

被告陸振中（現年45歲）被控於2022年6月22日及23日，在粉嶺聯和墟街市熟食中心殘廁內3度非禮女下屬X。他另被控同年7月15日，在粉嶺牽晴間停車場內危駕，和襲擊督察下屬蔡文浩、賴文顯及X。

陸多次接載女事主上下班　「推動其他人關心下級」

在指稱非禮事件後的2022年6月27日，陸振中親自送防疫物資給X，控方質疑，如果X如陸早前供稱般曾向陸指「你好過我男朋友」，陸應該有所避忌，不會這樣做。陸否認，強調「警隊冇分男女同事」、「同工同酬一齊工作」，他亦無法選擇副手的性別，送物資只為表現關心下屬，而且他僅視X的說話為讚美，「年青人、廿幾歲，講嘢係比較爆啲」。

至於陸振中在7月初數次私下接載X上下班，陸盤問下表示X當時肺炎剛康復、身體有些不適，故他提議「順風車」接送上下班，期間他亦可以詢問X關於沙頭角分區的事。此外，陸認為如其他同事看到他接送X，便會覺得陸「親民」、「冇架子」，「當時冇諗呢個同事（X）係男定係女」。

控方指出當時警署內有其他同事染疫，為何陸不接載該些同事，陸解釋指：「我關心直屬下級，從而推動其他人關心下級，而唔係我係關心晒200幾個同事」，否認控方指他厚待X。

陸振中並指，在他接載X期間，X主動提到個人原生家庭的問題，陸當時認為由於他曾協助其他下屬，與下屬建立互信，故X信任他，才與他分享。

陸：「我哋工作，男男女女，都會掂下膊頭」

此外，陸提到，在工作期間，同事會互相拍膊頭鼓勵對方，「情情愛愛嘅嘢，係唔會有諗到嘅」。控方詢問：「你作為有人格嘅男人，唔會隨便掂你啲女同事？」，陸指：「係」。

控方播放陸於7月5日接載X下班途中、兩人一度在龍尾灘散步的閉路電視片段，顯示陸曾主動搭X的肩頭，其後更「近乎想攬住佢」。陸強調當時X告知他私事、情緒波動，故他拍其膊頭鼓勵及安撫，控方質疑指：「用口講，唔係用手㗎喎」，陸回答指：「我哋工作入面，男男女女，都會掂下膊頭」。

陸續指，尤其於2019年後，同事分享時「會講到喊，男人都會講到喊」，他會與男同事擁抱、搭女同事肩頭，「男男男女男女或者女男都有發生」。

控方再播放龍尾灘片段，顯示陸近乎從後熊抱X，陸否認，解釋指當時向前指着海，安慰X指：「望遠啲」、「望闊啲」。控方並指X當時推開陸，「好明顯X想同你保持距離？」陸回答指：「而家睇返畫面，我同意嘅，佢有啲咁嘅動作」。

「而家睇返，咁我覺得有啲近，就唔係好恰當」

控方詢問，陸與女下屬到偏僻的地方，陸作出「咁近嘅身體接觸」，導致X要推開他，「情況係唔恰當嘅，喺警隊裏面嚟講？」陸先指當時兩人共擔一把雨傘，「再嚟多次我唔會咁做」，其後同意指：「而家睇返，咁我覺得有啲近，就唔係好恰當」。

控方亦關注陸供稱在X主動向他示好後，陸不單沒有避嫌，更主動買手機給X。陸指出當時認為X在其iPhone使用「WhatsApp Business」具資訊安全問題、可容許多重登入，而X指自己為「電腦白痴」，所以陸才為X代購較為安全的小米手機；而且在警隊中，為同事代購手機「好平常」，他亦曾為其他同事代購iPhone。

控方指出，X曾向陸表示反感陸親近她的行為，並透露其男友有她手機的GPS定位，但從沒說過「你好過我男朋友」等說話，陸的供詞屬抹黑X。陸一概否認。

控方並指出，陸在接載X期間，曾向X表示喜歡她，X回應指：「你有老婆㗎喎」，陸稱：「你都有男朋友啦」、「難得大家走埋一齊，係一種緣份」，X不知如何回應，陸及後再「掃」她的手臂數下，她回瞪陸，陸才縮手。陸今庭上否認指：「完全冇呢啲對答」、「冇咁嘅情況」。