蘋果國安案 第62天|陳梓華供稱 Mark Simon贊助李宇軒50萬元辦區議會監選活動 形容活動「做得好好」 明言「呢啲就係佢哋想要嘅嘢」

分享文章

壹傳媒創辦人黎智英及3間蘋果公司被控串謀勾結外國勢力及串謀刊印煽動刊物等罪,今(17日)在西九龍裁判法院續審,踏入第62天審訊,控方證人、被指為黎智英「中間人」的陳梓華第4日作供。陳憶述,2019年11月,Mark Simon曾支付50萬元贊助李宇軒的區議會監選活動,其後與陳見面時讚賞監選活動「做得好好」,明言「呢啲就係佢哋想要嘅嘢」,透露不少民主派人士都會聯絡他或黎智英尋求贊助,「但係呢,我老細好有錢,唔代表佢任何人都要贊助」。陳又指,Mark Simon不滿李宇軒每次都在最後一刻才找他幫忙,投訴李「唔係好識做人」,着陳繼續在他們兩人中間作協調。

此外,陳梓華憶述,2019年12月李宇軒打算訪美做國際遊說,向美國官員交出制裁名單,但擔憂「飛咗過去之後一個人都見唔到」,於是透過陳向Mark Simon求助,希望聯絡美國香港民主委員會成員朱牧民;Mark Simon最後答應會安排,「要我同李宇軒講唔會一個人都見唔到,同埋叫我鼓勵吓佢」。【《蘋果》國安案報道結集】

李宇軒辦區議會監選活動缺錢 暗示陳向黎智英求助

陳梓華憶述,李宇軒於2019年11月致電給他,透露將會舉辦區議會監選活動,但「唔夠錢搞」,需要25萬元資金,「當時佢冇明確咁講,但我明白同理解佢暗示我要去搵黎智英同Mark Simon幫手」。陳指Mark Simon得悉後「好有興趣」,追問監選活動細節及為何需要25萬元,於是陳再致電問李宇軒,李就透露本來活動只邀請一名外國議員,但其團隊決定「發大嚟搞」,再邀請美國、澳洲、日本等地議員來港,故衍生出更多支出,包括酒店及機票。

陳其後將相關名單傳給Mark Simon,他得悉英國上議院議員Lord David Alton也會來港後,表明「我哋會大力支持呢件事」。陳指Mark Simon最後向李宇軒支付了50萬元,控方追問支付雙倍資金的原因,陳指Mark Simon曾表示他會與李直接聯絡,「我諗佢哋應該自己傾過,所以就俾多過佢(李宇軒)原先要求嗰個數,同埋再加上佢(Mark Simon)話會大力支持嘛」。

Mark Simon指李每次最後一刻才找他幫 「唔係好識做人」

陳憶述,於2019年11月底至12月初,他與Mark Simon在沙田凱悅酒店第2次見面,Mark Simon認為監選活動「做得好好」,明言「呢啲就係佢哋想要嘅嘢」,透露不少民主派人士都會聯絡他或黎智英尋求贊助,「但係呢,我老細好有錢,唔代表佢任何人都要贊助」,指出「細額」可由他決定,「大額」就要由黎智英決定。陳又指,Mark Simon不滿李宇軒每次都在最後一刻才找他幫忙,認為李「唔係好識做人」,着陳繼續在他們兩人中間作協調。

陳續指,Mark Simon當時建議他和李宇軒,若未來做文宣,應該放棄再登報紙,應主力在網上宣傳及進行國際遊說,「佢認為咁樣係更有成效」。Mark Simon解釋,不是人人都會讀報,而且已有很多人關注香港情況,無需再登報引起關注,「反而係啲官員同埋政府會更加想知道香港個情況係點樣,所以先更加需要國際遊說」。控方追問遊說目標,陳就表示「為咗反修例運動,希望各國政府採取措施去迫香港政府回應市民訴求」,而訴求包括撤回逃犯條例、落實雙普選,但Mark Simon沒有談及確實措施,僅表示要在國際線方面做些事情。

陳梓華早前供稱,他與Mark Simon第一次會面時透露自己喜歡做生意,表示在香港難以開設離岸公司戶口,Mark Simon表示「應該唔難,其實我可以幫到你,你就當係一個獎勵畀自己」。

陳稱難在港開離岸公司戶口 獲黎轉讓一間空置公司

陳今憶述,Mark Simon表示他發現在香港難以開設離岸公司戶口,「所以佢冇辦法幫到我開,但係佢有問過,佢就話佢哋手頭上有兩間空置嘅(公司)」,他和黎智英同意可將其中一個公司戶口轉讓給他。陳續指,於2020年1月左右他在壹傳媒大樓簽署相關文件,他簽署前詢問Mark Simon的助手,文件上的簽名屬於誰人,助手確認是黎智英的簽名。

控方指出,控辯雙方沒有爭議,於2018年4月至2020年1月13日,「Lacock inc.」戶口的授權簽署人為黎智英、周達權及Mark Simon,直至2020年1月14日,陳梓華成為該戶口的唯一授權簽署人。控方追問,Mark Simon與陳有否討論如何處理戶口內的8萬元?陳表示Mark Simon要求他用現金還款,但直至被捕前他仍未還款。

陳又指,他只希望透過離岸公司戶口做生意,但Mark Simon曾建議他將戶口用於社會運動,他解釋由於公司是匿名,若要在海外與不同單位聯絡,「或者可以用到呢間公司,同埋亦都講過可以用呢間公司做支援」,例如與海外單位接洽時「都需要射啲錢」,「如果你唔想用自己名,咁就可以用間公司做」;不過,陳指他當時回覆Mark Simon「我應該唔會喇」。

李宇軒訪美做國際遊說 求助Mark Simon聯絡朱牧民

有關李宇軒於2019年12月的訪美之旅,陳憶述李曾致電透露他準備去美國見政要,但感到憂慮,「佢好擔心佢可能自己飛咗過去之後一個人都見唔到」,而他希望再見一次美國參議員Rick Scott,「佢想我問吓Mark Simon嗰邊可唔可以幫到佢手,因為佢知道有個人叫朱牧民」。陳指他當時已知悉黎智英、Mark Simon及朱牧民關係特別好,於是致電詢問,Mark Simon就問李想達到甚麼目標。陳再去詢問李宇軒,李就表示他希望講解香港情況,並考慮將制裁名單交予美國官員,「因為當時佢話唔想兩手空空咁過去」。

陳將李宇軒的話轉達給Mark Simon後,Mark Simon着他放心,表示會安排,最少也可以與Rick Scott會面,「要我同李宇軒講唔會一個人都見唔到,同埋叫我鼓勵吓佢」。陳之後向李轉達Mark Simon的說話,然後着他「放心去network吓,加油」。

陳又指,他後來詢問李宇軒向美國官員交出哪一份制裁名單,因為當時Telegram上有很多個不同版本,李就指是SWHK的版本,並將名單連結發送給他;陳稱李亦曾透露「同人影咗啲相、識咗啲人」。

法官李運騰關注,李宇軒像是在匯報,詢問只是朋友分享,抑或李希望讓陳將說話轉達給另一人?陳就指,當時已分工決定讓李打國際線,李特別與「攬炒巴」劉祖廸有「好多聯繫、比較緊密」,由於陳沒有參與國際遊說,所以李「就想話返俾我聽,其實佢做過啲乜嘢」。陳稱他其後致電告訴Mark Simon李在美國做的事,亦有提及另一次李前往日本展示催淚彈彈殼的事。【《蘋果》國安案報道結集】


本案共有4名被告受審,包括黎智英(76歲)、蘋果日報有限公司、蘋果日報印刷有限公司及蘋果日報互聯網有限公司。黎與3間公司同被控一項「串謀刊印、發布、出售、要約出售、分發、展示或複製煽動刊物罪」,被指於2019年4月1日至2021年6月24日,在香港與張劍虹、陳沛敏、羅偉光、林文宗、馮偉光、楊清奇及其他人,一同串謀刊印、發布、出售、要約出售、分發、展示及或複製煽動刊物。黎與公司另被控一項「串謀勾結外國或者境外勢力危害國家安全罪」,被指2020年7月1日至2021年6月24日,在香港與上述6人及其他人,一同串謀請求外國或者境外機構、組織、人員實施對香港特區或者中華人民共和國進行制裁、封鎖或者採取其他敵對行動。

黎智英另單獨面對「串謀勾結外國或者境外勢力危害國家安全罪」,被指於2020年7月1日至2021年2月15日,在香港與陳梓華、Mark Herman Simon、李宇軒、劉祖廸及其他人,一同串謀請求外國或者境外機構、組織、人員實施對香港特區或者中華人民共和國進行制裁、封鎖或者採取其他敵對行動。

法院:西九龍裁判法院(暫代高等法院)
法官:法官杜麗冰、李素蘭及李運騰
被告:黎智英、蘋果日報有限公司、蘋果日報印刷有限公司、蘋果日報互聯網有限公司
控罪:串謀刊印及發布煽動刊物罪、串謀勾結外國勢力罪

法律代表
控方:副刑事檢控專員周天行、助理刑事檢控專員張卓勤
辯方:資深大律師彭耀鴻、大律師關文渭、大律師Marc Corlett、大律師黃雅斌、大律師王國豪
案件編號:HCCC51/2022

如欲接收每日報道整合,請在訊息欄內填寫電郵地址

訂閱及追蹤我們