Search
Close this search box.

蘋果國安案 第19天|辯方播《蘋果》結業前員工大會錄音 張劍虹發言:我哋做新聞 唔係犯罪組織

分享文章

壹傳媒創辦人黎智英及3間蘋果公司被控串謀勾結外國勢力及串謀刊印煽動刊物等罪,今(30日)在西九龍裁判法院續審,踏入第19天審訊,控方「從犯證人」、《蘋果日報》前社長張劍虹第9日作供。辯方庭上播放《蘋果》結業前約一個月,張劍虹在員工大會上的發言錄音。黎智英當時已還押獄中,張劍虹向員工發言指《蘋果》一定不會在7月1日自行結業,強調「我哋唔係一個犯罪組織,係嘛?我哋做新聞㗎嘛,我哋唔需要要了斷,唔需要要疏散同事㗎。」

發言錄音之中,張又提醒同事不要用情緒做新聞,但明言「咁樣唔係代表我哋褪軚,我哋絕對唔會褪軚,蘋果日報冇褪軚嘅空間」,「只不過就係話,我哋唔係用情緒去做新聞,我哋係用事實客觀去做新聞,呢樣嘢係我哋嘅堅持」。

張劍虹庭上確認,錄音當中所有說話,全是他當時真心相信。【《蘋果》國安案報道結集】

辯方資深大律師彭耀鴻下午盤問期間,播放張劍虹於2021年5月11日員工大會上發言的一段5分鐘錄音。

張劍虹在發言開首表示:「出面話,蘋果係咪做到7月1號就會執笠呀?⋯⋯我可以喺呢度鄭重同大家講,蘋果日報係唔會自己執笠囉,唔會了斷囉。」現場傳出雷動掌聲。

我哋唔係犯法,唔係犯法㗎嘛,我哋唔係一個犯罪組織嚟㗎嘛,係嘛?我哋做新聞㗎嘛,我哋唔需要要了斷,唔需要要疏散同事㗎。點解要咁做呢?⋯⋯News as usual. Business as usual.」

「如果佢哋話,係咪可以隨便收番呢個地呢?咁都有法律程序㗎嘛,有租約㗎嘛。我哋都會據理力爭,喺法律上我哋都會去爭取⋯⋯好,就算真係萬一再萬一,咁你咪搵地方搬囉,搬出面,出面做囉,唔會令到公司執笠㗎。」

「阿黎生上個月喺獄中寫咗封信出嚟,大家都睇到啦,即係話新聞工作係危險嘅,請大家同事要保重,盡量要小心。」

喺新聞上我哋盡量係少情緒,就唔希望嗰情緒喺新聞上出現。咁樣唔係代表我哋褪軚,我哋絕對唔會褪軚,蘋果日報冇褪軚嘅空間。」

蘋果日報有咁多支持者,喺香港有60萬個訂戶,每日有10萬人去買我哋嘅報紙,佢哋都係認同我哋嘅價值嘅。我哋,只不過就係話,我哋唔係用情緒去做新聞,我哋係用事實客觀去做新聞,呢樣嘢係我哋嘅堅持。」

「如果萬一遇到乜嘢官司,公司會唔會負擔呢?呢個我可以百分之百話畀大家聽,只要係工作上嘅官司,即使你已經唔喺呢度做,公司都會負責。」

錄音播放完畢。彭耀鴻詢問,這些說話是否全是他當時真心相信的?

張劍虹回答:「係。」


本案共有4名被告受審,包括黎智英(76歲)、蘋果日報有限公司、蘋果日報印刷有限公司及蘋果日報互聯網有限公司。黎與3間公司同被控一項「串謀刊印、發布、出售、要約出售、分發、展示或複製煽動刊物罪」,被指於2019年4月1日至2021年6月24日,在香港與張劍虹、陳沛敏、羅偉光、林文宗、馮偉光、楊清奇及其他人,一同串謀刊印、發布、出售、要約出售、分發、展示及或複製煽動刊物。黎與公司另被控一項「串謀勾結外國或者境外勢力危害國家安全罪」,被指2020年7月1日至2021年6月24日,在香港與上述6人及其他人,一同串謀請求外國或者境外機構、組織、人員實施對香港特區或者中華人民共和國進行制裁、封鎖或者採取其他敵對行動。

黎智英另單獨面對「串謀勾結外國或者境外勢力危害國家安全罪」,被指於2020年7月1日至2021年2月15日,在香港與陳梓華、Mark Herman Simon、李宇軒、劉祖廸及其他人,一同串謀請求外國或者境外機構、組織、人員實施對香港特區或者中華人民共和國進行制裁、封鎖或者採取其他敵對行動。【《蘋果》國安案報道結集】

法院:西九龍裁判法院(暫代高等法院)
法官:法官杜麗冰、李素蘭及李運騰
被告:黎智英、蘋果日報有限公司、蘋果日報印刷有限公司、蘋果日報互聯網有限公司
控罪:串謀刊印及發布煽動刊物罪、串謀勾結外國勢力罪

法律代表
控方:副刑事檢控專員周天行、助理刑事檢控專員張卓勤
辯方:資深大律師彭耀鴻、大律師關文渭、大律師Marc Corlett、大律師黃雅斌、大律師王國豪
案件編號:HCCC51/2022

如欲接收每日報道整合,請在訊息欄內填寫電郵地址

訂閱及追蹤我們