已停運的《 立場新聞》被控「串謀發布煽動刊物罪」的案件，今（27日）在區域法院踏入第25天審訊，前總編輯 #鍾沛權 繼續接受控方盤問。控方提到，《立場》特刊《立誌》拍攝到部分員工卡片，其中一張印上「星星之火」令她聯想起「星火基金」，旁聽席即時一片譁然。鍾沛權對於控方的聯想感到詫異，質疑「點解刑事檢控攞出嚟嘅證據，咁薄弱之餘，係加諸咁多主觀嘅聯想、猜測」。此外，控方提及內頁底色為黃色，問鍾沛權有何意思，鍾沛權回應稱「我諗都無諗過係咩意思」，並提到刊物的其中一頁是藍色，反問「你又唔舉藍色？」他指出控方將「無邊無際」的聯想，用於刑事檢控的盤問當中，形容「對香港傳媒嚟講太恐怖囉」。【立場被控煽動刊物案報道結集】
代表控方的署理高級助理刑事檢控專員伍淑娟留意到《立場》特刊《立誌》內有標題為「場內」的頁面，問及意思為何，鍾沛權讀出頁面簡介：「每位《立場》同事，不論崗位，入職都要自選四字詞語印於卡片上，N個同事，N種信念，N種立場。」
官問：「自選四字詞語，開工大吉都得？」 鍾沛權：「可以」
鍾沛權表示，同事自選的四字詞語可說是自我勉勵、自我期許，此時法官郭偉健問道「自選四字詞語，開工大吉都得？」鍾沛權稱「可以」，表示「信念呢個字比較廣泛，可能法官你理解係政治信念」，但開工大吉亦可代表期望生活及工作輕鬆。
伍淑娟再問卡片上的「藝術充權」何解，鍾沛權稱，連同「藝術」二字一併理解，即通過藝術認識修養，令其人生「有個灌注嘅力量」。伍淑娟聞言稱「我唔明白，最初睇呢版，以為你哋出字畀佢揀」，鍾沛權強調是同事自選，他續指有同事選擇「勿忘初衷」、「見賢思齊」，甚至在主控眼中特別敏感的「齊上齊落」、「有種責任」，至於「慎言敏行」，鍾沛權笑言「好似校訓咁啦」。
員工卡片包括「風林火山」 鍾沛權：前線警員好似都有
鍾沛權表示，員工卡片包括「風林火山」4字，「我記得前線警員好似都有，你會唔會聯想起我同事呢」？他又指，「我哋做一個刑事檢控，如果純粹透過聯想、一啲不言而喻，開始做成個檢控過程，唔好講定罪啦，有人需要還押，有傳媒需要關閉，對言論自由嘅寒蟬效應、打壓效果，係咪大到一個不符比例呢？可能你哋基於一種好主觀嘅聯想，認為我哋有煽動，再聯想到因為我哋煽動導致運動爆發，甚至持續。」
伍淑娟聞言稱「我哋無話你哋有煽動運動」。鍾沛權續指，警員早前在《立場》網站截取500多篇、主觀認為有煽動成分的文章，直言「睇番有啲搲爆頭」，因當中包括劇評及建制派人士文章，質疑今時今日的氣氛，竟令一名警員「咁容易認為一篇文章有煽動成分」。他又言，控方見到「幾隻字就有聯想，對我質問，我非常詫異，點解刑事檢控攞出嚟嘅證據，咁薄弱之餘，係加諸咁多主觀嘅聯想、猜測」。伍淑娟表示「唔係咁樣嘅，當然要睇證據啦」。
鍾沛權稱，每個人都有其信念、對事物的立場，「伍專員都會有」，但四字詞語只是公司的傳統，給予同事一個小小的位置表達其信念或座右銘，不少人更會寫上「真相、公義、憐憫、平等、自由」等字眼，希望控方不要過份解讀。
伍淑娟再問及「有種責任」一詞，鍾沛權稱印象並非始於2019年，責任可指是香港人、新聞工作者、甚或兒女的責任。他又指，正正反映各人帶着自己的認知、信念、立場及價值觀，所理解的可以是「南轅北轍」。鍾重提控方將「星星之火」聯想為星火基金一事，並稱如果只選擇某種解讀，是「好危險」。
控方質疑有強烈立場的人會否「帶住立場去採訪」？
伍淑娟遂質疑有強烈立場的人會否「帶住立場去採訪」？鍾沛權稱，每個關心社群福祉、對社會有認同感的人，會自我要求並形成一個政治立場，以助他在生活上作決定，例如投票。他又舉例指，「伍專員你作為專業人士，你都會有自己意見，相信唔會影響你從事專業嘅判斷，記者一樣，我唔會話我啲同事毫無政治觀點，係白紙一張，我相信我啲同事係專業嘅，唔會因為咁樣影響佢哋嘅工作」。
伍淑娟續問及《立場》同事之間的關係，並指「睇到啲相，（鍾沛權）同同事坐係Open Area，睇得出之間嘅互動、關係好緊密」。鍾沛權稱，原因在於《立場》是小機構。伍淑娟再問「可唔可以話，全部都係光譜上黃色個邊」？鍾沛權笑言「我唔會咁講」，直指沒有與每位同事傾談其政治立場，只是瞭解某些同事對某事件的看法。
伍淑娟舉例指，如果有同事是「藍人」，眼見醜化警隊的漫畫「佢唔嬲嘅咩？唔會同同事鬧交？佢點喺你哋機構生存到」？鍾沛權回應稱「唔知點答」。伍淑娟質疑「做咗咁多年同事，都睇唔出佢嘅立場？」鍾說，只是清楚部分同事的立場，「唔可能答到咩全部都係黃」。
此時，伍淑娟提到「場內」這一版頁面的底色是黃色：
伍：我望望個底色，底色有無意思？
鍾：你講個底色？吓？黃色？
伍：咁蹺嘅啫？
鍾：我諗都無諗過係咩意思，第30頁底色係藍色㗎喎，隔離個頁橙色
伍：咁蹺（黃色）癡埋去「場內」？
鍾：反映（控方）聯想原來係咁無邊無際，喺刑事檢控可以作為盤問過程，呢種訊息畀香港新聞界會唔會⋯⋯
此時伍淑娟打斷，並指盤問目的不一定帶出對被告不利的證供，另一目的為「畀你解釋」。鍾沛權反駁指，「但你明顯因為覺得有懷疑，從你嘅立場，梗係想帶出對你有利嘅訊息，黃色孤立抽出嚟做引導、聯想」，他反問道「你又唔舉藍色？我會形容呢個訊息對香港傳媒嚟講太恐怖囉」。【立場被控煽動刊物案報道結集】
法院：區域法院
法官：法官郭偉健
被告：BEST PENCIL（HONG KONG）LIMITED、鍾沛權、林紹桐
控罪：串謀發布及／或複製煽動刊物罪（第200章《刑事罪行條例》第(10)(1)(c)條）
法律團隊
辯方：資深大律師余若薇及大律師黃卉儀
控方：署理高級助理刑事檢控專員伍淑娟、署理高級檢控官徐倩姿
案件編號：DCCC265/2022
