已停運的《立場新聞》被控「串謀發布煽動刊物罪」的案件，今（11日）在區域法院踏入第18天審訊。鍾沛權繼續自辯稱，《蘋果日報》高層被捕，是自1997年回歸以來首次有傳媒機構編採人員遭刑事檢控，但與同事反思後認為「由始至終我哋無咩做錯過」，不認為會被法律追究。談及糾結要否辭任總編時，鍾沛權多次哽咽，因每天探訪正還押的太太陳沛敏，未能履行總編職責，一度打算停運《立場》，卻「唔捨得唔甘心」。他形容林紹桐「願意冒險」接任總編一職，對於林紹桐被捕，鍾沛權自覺「唔好意思」，又言「好似最後無辦法保護晒所有同事」。【立場被控煽動刊物案報道結集】
辯方資深大律師余若薇表示，鍾沛權昨日提到《基本法》及《人權法》保障港人的言論自由，然而自《港區國安法》生效起，情況有所改變，關注《立場》有否作出任何改變。
國安法生效後處理評論文章有變 不登倡「港獨」內容
鍾沛權稱，《立場》認為如實報道政治主張，屬新聞自由的一部份，在報道上沒有大改變，但處理評論文章時則有明確改變，假如文章內容為提倡中國某部分獨立如「港獨」，一定不會刊登，但若內容為批評官員等，只要不會引致即時暴力風險等都會繼續發布。
余若薇問道，是否意指《立場》會報道政治人物提出的政治主張？鍾沛權表示會盡量報道，同時不應篩選內容，「幫佢磨平佢某啲比較尖銳嘅觀點，咁樣係斷章取義」。鍾沛權又指，即使在某些法庭案件中，「光復香港 時代革命」被視為定罪元素，但新聞中出現相關口號，「我哋都要記錄，唔可以自己審查，因為係事實、發生咗，唔想同事有不必要、好難把握嘅紅線」。
余若薇提到，《國安法》生效後發生了《蘋果日報》事件，問鍾沛權會否記得《蘋果》辦公室被搜、高層被捕以及停刊的日子。鍾沛權稱「2020年底拘捕咗佢哋嘅東主黎智英先生」，但當談及其他高層被捕的日子，鍾沛權哽咽道「2021年6月17日⋯⋯」，他一度停頓，雙手合十表示「唔好意思」。余若薇表示，「講到《蘋果日報》有啲激動」，法官郭偉健批准休庭。
約半小時後再開庭，鍾沛權表示當時國安處拘捕《蘋果》多名高層並凍結公司資產，《蘋果》在2021年6月24日出版最後一份報紙，其後停運。至於他的太太陳沛敏於《蘋果》停刊前的6月17日在家中被捕，獲准保釋後，於7月21日再次被捕。
《蘋果》停刊後感威脅「好埋身」 採措施保護同事
余若薇表示，鍾沛權作為《立場》總編輯，《蘋果》停刊有否引發其思考？鍾沛權稱「當然有啦，可以話係97年回歸以嚟，第一次有傳媒機構嘅編採人員被拘捕同埋刑事檢控，仲要係一條刑罰非常重、新嘅條例」，又稱事件發生後眼見威脅「好埋身」，故此需要採取措施保護同事，包括「一刀切」將2021年5月前發布的評論文章，即博客文章、讀者投稿、轉載文章全數下架，他解釋「將自己內容下架係艱難嘅，唔代表我認為內容有問題，但當時嘅情況，我已經判斷唔到乜嘢內容先係違法」。
鍾沛權續稱，其餘措施包括停止接受捐款及贊助，終止各同事的僱員合約後重新簽約，安排月初「出糧」，再發放一筆遣散費，他解釋，「萬一（《立場》）遭遇非正常死亡，同事損失可減到最低」，他亦不希望拖欠同事薪金，但上述措施不包括他本人。
自覺「無咩做錯」「無覺得會被法律追究」或屬一廂情願
余若薇表示「你太太被捕，《蘋果》停刊，點解《立場》要繼續呢？咁嘅情況下補足畀同事，你自己又無，又留任總編輯？」鍾沛權回答，當時有不少出色的新聞工作者加入《立場》，他與同事反思後認為「我哋嘅工作有意義、有意思」，加上「由始至終我哋無咩做錯過，無覺得自己做過任何嘢應該會被法律追究，諗返轉頭會唔會有啲一廂情願呢？但當時係咁諗」。
余若薇續關注他在2021年10月底辭任的原因，鍾沛權解釋，當時他每天到大欖探望被還押的太太，未能即時審閱文章，自覺無法履行總編輯職責，情況維持數個月，曾認真思考要否停運《立場》，繼而哽咽道「6月覺得唔應該結束，9月下旬有認真諗過⋯⋯但唔捨得、唔甘心」。
文章非林紹桐負責卻被捕 抱歉無法保護所有同事
鍾沛權稱，物色代替他擔任總編輯的人選是最難的抉擇，他再次哽咽道：「我有位好同事，林紹桐，佢願意冒呢個險，對我嚟講係唔好意思，因為我唔想我同事冒險，唔想家人再擔心，我一定要選擇。」余若薇聞言稱，是否對於令林紹桐成為同案被告感到「唔好意思」？鍾沛權稱：「係，去到我被捕，我有啲意外，文章明明唔係佢負責，點解要拘捕埋佢，對我嚟講，好似最後無辦法保護晒所有同事。」作供其間，法官郭偉健一度着鍾沛權「飲啖水」。
對於控方指稱鍾沛權辭任後，開設兩個名為「Stand」群組（其中一個成員包括鍾沛權、林紹桐、梁俊勤；另一只有鍾沛權及林紹桐），就《立場》編採方向給予意見。鍾沛權笑言「職業病，見到錯漏，忍唔住提醒」，至於有兩個群組，其中一個成員只有他及林紹桐的群組是「開錯咗」。
余若薇表示，控方似乎指稱「你辭職係假嘅」，鍾沛權回應指，在17篇涉案文章當中，他在警誡錄影會面承認首15篇由他在任總編時審批，但其餘兩篇，即中大衝突兩周年及鄒幸彤獲頒「中國傑出民主人士獎」文章，則不知由何人審批。
他在庭上憶起，當時在警署有一位警員向他表示「你都認咗15篇，點解唔認埋另外嗰兩篇」，不過他認為「唔係事實無得認」，即使看似囉唆，「可能真係唔應該向同事畀意見，唔代表我有參與審批（該兩篇）」。【立場被控煽動刊物案報道結集】
法院：區域法院
法官：法官郭偉健
被告：BEST PENCIL（HONG KONG）LIMITED、鍾沛權、林紹桐
控罪：串謀發布及／或複製煽動刊物罪（第200章《刑事罪行條例》第(10)(1)(c)條）
法律團隊
辯方：資深大律師余若薇及大律師黃卉儀
控方：署理高級助理刑事檢控專員伍淑娟、署理高級檢控官徐倩姿
案件編號：DCCC265/2022
