滑翔傘飛行員死因研訊第5日|死者遺孀陳詞:搜救行動問題在「心態」 有幸活着 備有能力 就有責任令世界更好

分享文章

滑翔傘飛行員鍾旭華2018年在大嶼山伯公坳遇強風失蹤,各方搜救5天後,終在大東山尋回其遺體。經歷5天聆訊,死者遺孀今作最後陳詞。她引述庭上證供提到,在墜落前64秒,丈夫嘗試過8次緊急降落,「我睇到佢唔放棄、頑強嘅精神」,並強調參與死因庭不是為追究,只為不再重蹈覆轍。她點出,今次搜救行動問題是「心態」,直言每一個人都不應看輕自己崗位的意義,能夠有幸活著,備有能力,就有責任令世界變得更美好,「難唔等於唔做唔試,做咗唔得,我無悔⋯⋯我已經盡咗我嘅努力,而家我將支棒交俾你哋」。鍾旭華死因研訊結集

死者遺孀陳利珊,一如過去數天聆訊,衣着全黑,坐在親屬席低頭讀出最後陳詞。她先感謝消防、警方、民安隊、飛行服務隊、各界義工等為搜救作出的努力,並感謝庭上各方參與死因研訊的付出。她直言:「過程中睇到人性光輝,有感動嘅眼淚,當然都有難過、激氣嘅眼淚。」

「我睇到佢唔放棄、頑強嘅精神,佢已經盡咗力」

陳利珊強調,丈夫是一位具資深經驗的飛行員,備有充足訓練,但突如其來的陣風,釀成意外導致他不幸身亡,「佢喺64秒內做8次緊急降落,我睇到佢唔放棄、頑強嘅精神,佢已經盡咗力,但呢個就係大自然嘅威力。」她深信,丈夫最享受自由自在地飛翔,欣賞美麗風景,一定會希望滑翔傘運動繼續得到推廣。

陳利珊重申,她不希望責怪任何一方,因為「意外已經發生,冇人可以改變」,但仍盼望藉着這次事故,去反省和改變未來。她哽咽說,丈夫生前向她說過:「你喺邊度跌低,就喺邊度企返起身。」她不希望事件重蹈覆轍,直言不需要搜救人員「𡚒不顧身」,只希望各方能更有效利用科技協助搜救,「危險重要嘅事故,就更加需要冷靜分析」。

她認為,當局需要與時並進,「電訊追蹤可能好多年前有效,但我哋唔能夠原地踏步」,強調意外至今已4年,期望有更好的搜救方法。她又指出,未來需要更多資訊科技訓練,搜救團隊亦需要更清𥇦分工及問責制度。

遺孀陳利珊:「有啲人嘅工作態度令我好難受」

有關意外調查報告,她明言:「我諗大家可以大概體會我嘅心力交瘁,有啲人嘅工作態度令我好難受,原來難改係可以唔改。」她認為,民航意外調查機構需要更多權限,作出具約束力的建議,並給予家屬足夠協助。

「呢件事嘅根本問題係mentality (心態)。」

她補充,人很容易習慣,停留在舒適區,「所以我哋一定要問自己:有啲咩要改善、點樣改、幾時改?改變係難,但一定要做先有進步」。她認為,每一個人都不應看輕自己工作的使命,每一個崗位都有其意義,「With great power comes great responsibility (能力越大,責任越大)」。

她說自己能夠走到今時今日,只因堅持,「難唔等於唔做唔試,做咗,唔得,無悔」。她認為,有機會活着就應該好好珍惜,令生命更有意義,令世界變成更好的地方,「我已經盡咗我嘅努力,而家我將支棒交俾你哋」。

陳詞結束,旁聽席上有親友潸然淚下。

鍾旭華死因研訊結集

法院:西九龍裁判法院(死因研訊)
法官:死因裁判官何俊堯
死者:鍾旭華
案件編號:CCDI-897/2018(DK)

如欲接收每日報道整合,請在訊息欄內填寫電郵地址

訂閱及追蹤我們