一名21歲港大男學生涉於2021年大除夕在宿舍兩度非禮女同學，辯方昨日盤問女事主時指被告有可能「會錯意」，誤會兩人關係親密。被告今（13日）出庭作供，稱自己案發時醉酒，加上聽聞事主對男女關係隨便，誤會對方對他感興趣、對身體接觸容忍度高，「所以我就用我嘅下體䟴咗佢一下」。被告強調，事主僅表示「咪搞啦」，語氣不帶憤怒，他感覺對方接受這種觸碰，心想「會唔會唔係唔恰當嘅動作，只係純粹係唔啱timing？」
控方質問被告有否徵得女方同意，被告承認沒有，但強調事主沒反應，控方質疑「女方必須說『不』，你才不會摸人？」被告重申事主沒抗拒。控方再質疑，他面向事主背後，又如何得知對方有何表情？被告確認他沒檢查，控方指他根本不關心事主有何反應，被告不同意。
被告潘啟堯（21歲）案發時為港大學生，被控兩項猥褻侵犯罪。他被指在2021年12月31日，在香港大學李兆基堂房間內，兩度猥褻侵犯X。
裁判官今早裁定案件表證成立，被告選擇出庭作供。潘啟堯供稱，他在香港大學修讀環球創意產業，於2021年8月在宿舍迎新營認識女事主X，當時他由副學士升上大學3年級，X則是4年級生，是營中「組媽」。潘指出，由於X曾為他介紹兼職工作、在不同場合一起吃飯，故認為X與其關係較其他組員親近。潘又指，X曾多次問他「今晚（宿舍）看更會係邊一個」，因希望帶外人入宿舍，潘就會替X查詢，故他認為自己對X而言「幾特別」。潘表示，案發前4個月的相處後，他對X有好感和產生興趣。
潘憶述，案發當日凌晨，眾人在X的歡送派對中喝酒，潘約於凌晨5時一度離席，「因為我覺得好攰」，X約5分鐘後發訊息指「Fuck you 走位」，潘回覆「ho fast come」。潘庭上指，他當時估計X「同我喺派對玩得幾開心」，才會希望他回到派對。直至早上7時左右，部分人去X房間繼續喝酒，最後餘下潘、X及男宿友「Man」，「我嗰陣覺得唔係好敢approach，但好想去approach嘅感覺」。潘解釋，他認為X不抗拒他，因為4個月來兩人一直聊天交流、「有講有笑」，故認為X或會對他感興趣。
自覺行為暖男窩心 稱助執拾時有肢體接觸
潘憶述，當時X在收拾東西準備搬出宿舍，「Man」則在牀上昏睡，潘指房間當時關上門，「所以我覺得有少少奇怪，佢閂咗門剩低我同佢，我就喺度諗其實佢會唔會有興趣，同埋佢冇叫我離開過」。潘續說，他曾問X需不需要幫忙，他不記得X如何答覆，但後來有幫她摺衣服，直至X走近書桌層架收拾文件，他上前幫忙，主動協助她分類，「當時我覺得係比較窩心、比較暖男嘅行為，我希望可以impress（取悅）到佢」。
潘稱，兩人執拾文件時有肢體接觸，過程中有「唔小心挨挨凭凭」，後來X伸手到最高層架，兩人距離非常近，但X沒有抗拒或走開，潘心想「佢係咪就係可以接受到我哋咁近嘅身體接觸呢？」，「我覺得佢係OK⋯⋯所以我就用我嘅下體䟴咗佢一下」。潘指，由於X沒有即時走開或表現不情願，「所以我就再做咗第2次呢個動作」，但強調自己沒有上下摩擦。潘補充，他是觸碰X下半身、但未到臀部的位置。
潘續說，X當時表示「咪搞啦」，但語氣不帶憤怒，感覺是她接受這種身體接觸，只礙於男宿友「Man」仍睡在牀上，「會唔會唔係唔恰當嘅動作，只係純粹係唔啱timing？」X及後坐在牀上，潘跟隨坐在她身邊，「想睇下有咩要執要pack⋯⋯靠近佢，佢都冇叫我離開、唔好咁埋」。潘強調自己沒有攬腰，只是將手放在X後方作支撐，但X再次說「唔好搞啦」，潘心想會否是X擔心宿友醒來看見他們會「亂諗」。後來，潘按X要求出房扔垃圾，回程時遇到醒來的「Man」，兩人遂一同離開。
聽聞對男女關係隨便 問女方「可唔可以幫我解決」
潘回房後發現杯子漏在X的房間，便回去取回，「同埋睇下會唔會仲有機會同佢發展關係」。潘敲門後X打開房門，X得知潘來意後容許他進門，然後繼續執拾，潘取回杯子後問X需否幫忙，X就表示不用，着他先休息，並透露她稍後約了男友見面，「但佢又冇明確話去邊度休息或者離開」；潘再問「你係咪咁忙呀？」，X再重申自己很忙及約了男友。
潘後來追問「如果我好大抽呢？」；潘庭上解釋「當時係指我嘅性器官」。X聞言怒謂「你當我係咩呀？你知我有男朋友㗎呵？」X其後致電給男朋友，談及約會的事情，但潘庭上強調「都冇話提及佢被冒犯嘅任何事情」。潘稱，X收線後他又問「你可唔可以幫我解決呀？」，X此時表現激動憤怒，要求他馬上離開並開始倒數，「我就問佢做咩咁嬲，數到一嘅時候，我就拎住個杯離開咗」。
潘庭上解釋，他當時處於醉酒狀態，又指自己聽過一些校內傳聞，「傳聞係佢對於casual relationship其實幾開放」，加上兩人間事發前的相處，令他認為X對身體接觸容忍程度較高。
認沒徵得同意 控方：女方必須說「不」才不會摸？
控方盤問時指出，潘的說法等同指控X在庭上說謊；潘同意。控方質疑，一個熱心幫助大學新鮮人的「組媽」，為何會在庭上說謊針對他？潘就表示「我覺得佢唔止係幫我，佢叫我去做嗰啲嘢，唔係幫咁簡單，係包括曖昧或者有好感嘅行為」。控方質疑，潘早前僅稱他單方面對X有好感，從沒提過X對他有好感；潘舉例指X曾要求他買早餐給她，控方指出其代表律師從未向X指出買早餐一事，必然是潘編作，潘不同意。
潘在盤問下承認，他兩度用下體摩擦X的下半身。控方追問他有否得到X同意，潘強調X沒有很大反應，控方就質疑「When you touch a girl, you need her to say no first？（女方必須說『不』，你才不會摸人？）」潘重申X沒有表現抗拒，控方再質疑，他面向X背後，又何以得知X的表情？潘確認他沒有檢查。控方指潘根本不關心X有何反應，潘不同意。
案件押後7月25日結案陳詞。
法庭：東區裁判法院
法官：暫委裁判官鄧子楷
被告：潘啟堯
控罪：猥褻侵犯
案件編號：ESCC2419/2023
