Search
Close this search box.

林卓廷等涉721暴動|第三被告陳永晞稱折返元朗站後見警方到場 法官問「覺唔覺得佢哋遲咗」 陳認為事出必有因 相信警方自有安排

分享文章

2019年7月21日港鐵元朗站發生襲擊事件,前立法會議員林卓廷被指與另外6名男子參與暴動,7人否認暴動罪,今(27日)在區域法院踏入第38天審訊,第三被告陳永晞續自辯,談及他在元朗站攙扶傷者後,欲返回形點商場,沿路見到持武器的白衣人,並曾上前勸阻「唔好打」及「唔好追」,法官陳廣池一度質疑「憑乜嘢認為勸阻有效」,陳稱當刻沒有想太多,只是盡力勸阻。由於陳與同行友人失散,故折返元朗站尋人,期間見到警方到場,陳官問他有何感覺,陳自言鬆一口氣,認為現場已經平靜,陳官再問:「有冇憤怒、不滿嘅情緒呢?」陳稱「少許囉」,但當時不了解情況,因此好奇多於不滿。

陳官再問:「你覺唔覺得佢哋遲咗?」陳認為事出必有因,「佢哋選擇呢個時候到達,相信警方有自己安排打算,當時實在冇太多資訊去judge究竟發生緊乜嘢事」。審訊午續【林卓廷等涉721暴動案報道結集】

試圖勸持棍白衣人別打 官問憑乜覺得有效

第三被告陳永晞今供稱,當晚約11時04分,他經K出口離開元朗站,經天橋進入形點商場,其間見到兩名持棍狀物的白衣人正行入元朗站,他試圖勸他們不要再打,未幾,有另一白衣人行近他,他再次嘗試勸阻白衣人,對方無針對他,便繞過他離開。辯方在庭上播放閉路電視片段(連接元朗站及形點的天橋),顯示陳的左方有持棍的白衣人,而陳一度舉起雙手。

法官陳廣池() 被告陳永晞(

:你同呢位咁近你嘅人士講乜嘢?
:我叫佢唔好打,同埋叫佢唔好追。
:你憑乜嘢認為你嘅勸阻有效呢?
:當時冇諗係憑乜嘢,其實都係盡力勸阻佢,希望佢聽得入耳啦⋯⋯
:你唔驚反而導致呢位人士向你襲擊咩?
:當時冇諗咁多嘅⋯⋯
:唔好諗咁多即係唔驚喇?
:因為我覺得佢好似冇針對我,佢冇話真係指住我嘅,我覺得我又唔係話好驚。

陳續指,他早前曾攙扶一名傷者,將他交予義務急救員後,發現自己「成手都係血」,於是入商場洗手間洗手。辯方播放商場閉路電視片段,陳官留意到有3女1男站在廁所外,問陳會否知悉原因,陳估計4人正在躲避白衣人。

陳表示,當步出洗手間後再遇到一群持棍白衣人,當中有人以棍指向他,他隨即表示「我係街坊嚟嘅,我住喺呢度,唔關我事,唔好打我」,白衣人聽畢後離開。

往車站尋失散友人 提醒途人發生襲擊事件

陳稱,當時正致電走散的友人John,打算折返元朗站,沿途見到兩批途人,陳提醒他們剛才元朗站發生襲擊事件,着他們小心。陳官表示,從片段見到陳拍掌,以及向他們招手,陳自言不記得有拍掌。陳官示意辯方再播片,陳形容其動作為雙手伸前,手掌向前並揮動,「相信都係講緊say no」,大概是示意途人不要進入西鐵站,陳官聞言稱:「咁你自己行入去?」陳指,當時擔心友人的安全,心急想到元朗站找對方。

陳表示,前往元朗站的路上多次提醒途人,抵達元朗站後,亦見身穿白色制服的Grand Yoho管理處職員,同樣提醒他們注意安全。陳指,約於晚上11時16分成功致電友人,得知他已乘港鐵到朗屏,二人相約在元朗站會合。其後他在G出口目睹警方到場,出於好奇而站在遠處觀看。此時,陳官關注被告見到警方有何感覺。

法官陳廣池() 被告陳永晞(

:我想問你見到警察有咩感覺?
:鬆一口氣囉,覺得現場應該係安全㗎喇,平靜㗎喇。
:仲有呢?
:係咁多。
:有冇憤怒、不滿嘅情緒呢?
:老實講,少許囉,當時都唔係了解個情況,好奇多過不滿情緒囉。
:你覺唔覺得佢哋遲咗?
:有少少覺得,事出必有因,佢哋選擇呢個時候到達,相信警方有自己安排打算,當時實在冇太多資訊去judge究竟發生緊乜嘢事。

聽到市民與警拗撬 觀看1分鐘後離開

陳表示,他聽到警員與部分市民有拗撬,但「覺得冇乜特別好睇」,觀看約1分鐘後便行開,他最終在晚上約11時半與友人會合。陳其後到H出口外抽煙,辯方播放相關閉路電視,陳官一度指「食煙嘅情況有咩咁特別呢,佢食煙就食煙㗎啦」。當陳返回元朗站大堂後,聽到有人稱無交通工具回家,而其私家車停泊在附近,於是接載了4人回家。

陳官關注:「咁呀John呢?」陳表示到站外抽煙時,他與友人已分道揚鑣,陳官追問原因,陳認為事件已完結,「冇乜好睇」,加上翌日要上班所以便散去。陳官再問:「咁食糖水呢?冇晒影嘅?」陳指,當時並非合適的時間食糖水,「亦都冇晒胃口」。

潘熙最後問陳案發當天有否意圖參與暴動、逗留在元朗站鼓勵他人暴動,以及作出任何擾亂秩序的行為,陳一概指「沒有」。辯方主問完畢,控方將展開盤問。

【林卓廷等涉721暴動案報道結集】

法院:區域法院
法官:法官陳廣池
被告:林卓廷、庾家豪、陳永晞、葉鑫昇、鄺浩林、尹仲明、楊朗
控罪:暴動罪

法律代表
控方:高級檢控官程慧明、高級檢控官岑穎欣
辯方:大律師黃錦娟(林卓廷)、大律師李百秋(庾家豪)、資深大律師潘熙(陳永晞)、大律師鄭凱霖(葉鑫昇)、大律師周慶澎(鄺浩林)、大律師黎建華(尹仲明)、大律師曾敏怡(楊朗)
案件編號:DCCC1106/2020

如欲接收每日報道整合,請在訊息欄內填寫電郵地址

訂閱及追蹤我們