林卓廷等涉721暴動|直播片段見有人持消防喉射水 林卓廷稱為救被打市民 官質疑該人其後以傘襲擊閘外白衣人

分享文章

2019年7月21日港鐵元朗站發生襲擊事件,前立法會議員林卓廷被指與另外6名男子參與暴動,7人否認暴動罪,今(7日)在區域法院續審。林卓廷續自辯,就其Facebook直播片見有人持消防喉射水,法官陳廣池隨即問林「有冇喝止佢哋唔好咁做」,林表示沒有,並指有傷者趁機返回付費區,理解射水者「救緊被人打嘅人」。陳官質疑,持喉者其後曾以雨傘襲擊閘外白衣人,庭上以慢鏡播放片段,陳官指持喉者以傘施襲後,白衣人才反擊,林重申只見「隊咗把遮出去」,不清楚有否打中閘外白衣人。

此外,在有人射水階段之前,林曾打開閘機旁的傷殘人士出入閘門,他解釋欲拯救倒在付費區外的女子,但數名白衣人隨即上前,亦有人向他招手,「我唔敢出去」,見狀隨即關閘。法官陳廣池關注林有否「叫人出去」,林反問:「我自己都唔敢,點叫人呀?」審訊下周一(11日)續。

本案7名被告為林卓廷(43歲)、庾家豪(35歲)、陳永晞(37歲)、葉鑫昇(31歲)、鄺浩林(26歲)、尹仲明(48歲)及楊朗(26歲)。

庭上續播放林卓廷Facebook直播片段,顯示付費區內的人士曾移向閘機位置。法官陳廣池留意到大部分白衣人已遠離林卓廷,林聞言指「遠離係相對嘅,比最初頭咁近,緊係遠咗啲」,但他指出仍在十幾米範圍內,「唔覺得遠咗好多囉」。

陳官遂問林有否想過離開,林即指:「點樣走呀!法官閣下!」他解釋,正如早前所指,一旦離開白衣人會衝入閘,加上當時聽到女子慘叫聲,另有人叫「記者都打」,部分人湧至閘機,他知道有事發生,沒心神思考離場,於是同樣行近閘機了解。陳官問林有否着人群「退後啲」,林稱當時他本人亦行前了解,不會叫他人後退。

開閘欲救倒地女子 數白衣人圍過來

片段另見林卓廷曾推開閘機旁邊的傷殘人士出入閘門,林解釋當時見一名女子倒在付費區外,相信她遭白衣人圍毆,欲開閘救人。

法官陳廣池() 林卓廷(

:你揸住咪又打開個閘,你唔驚咩?
:我驚㗎。
:咁你做咩打開閘?
:我想出去救佢。
:咁你有冇救到佢?
:我一打開閘門,幾個白衣人圍埋嚟,我唔敢出去。
:咁你有冇叫人出去?
:我自己都唔敢,點叫人呀?
:有啲人會做呢啲嘢。
:我唔會做呢啲嘢囉。

林續指,開閘後有白衣人向他招手,他見狀即關上閘門。辯方大律師黃錦娟關注,關閘豈不能拯救該倒地的女子?林即指「我唔閂都救佢唔到」。陳官聞言稱「你閂唔閂閘門(白衣人)都衝得入嚟,啱唔啱先?」林認為陳官所言正確,但當時只望將危險降至最低,同時讓白衣人知悉「我唔打算出嚟喇」。

陳官一度向林指出,過程中「見到好多人唔聽你話」並行出付費區,林強調「唔使聽我話㗎」。陳官再質疑,林曾聲稱要以立法會議員身分到場。林一度嘆氣,並指「我夠喝止白衣人啦」,至於能否勸止付費區內的人士,「唔係我能夠保證嘅嘢」。

林亦指,當時身邊有逾百人,他亦看不到在付費區外遇襲的人,是否早前從付費區行出去的。陳官向林澄清「100人都喺付費區內面,定係『全包宴』(包括付費區外人士)?」,林確認付費區內有逾百人。

男子木棍敲閘機 傷者趁射水返付費區

當片段播至有人以消防喉射水,陳官問林「你有冇喝止佢哋唔好咁做呢?」林稱沒有,因當時不知發生何事,「感覺佢哋想阻止白衣人攻擊付費區外面或者裏面嘅人」。林看畢片段後指,當有人射水後,白衣人便散開,之後有兩名人士返回付費區,當中一人雙手掩頭似是受傷,另一人則從旁協助,「傷者亦都趁咁嘅時候,喺閘機位走返入嚟(付費區),我理解佢哋都係救緊被人打嘅人囉」。

林又指,當時一名男子、後知為「懵良」林觀良,一直以粗木棍大力敲打閘機,「嘭嘭聲好震撼」,似是號召白衣人聚集,射水亦可「阻止佢繼續喺度威嚇」。至於其後有人使用滅火桶,林則不知緣由,只知有煙冒出。陳官再問林有否制止,林表示沒有。

陳官再問林,有否留意片段中剛才持喉射水的人,其後以雨傘襲擊閘外的白衣人,林反指見到持喉者「擋住支棍」。庭上以慢鏡重播片段後,陳官指該男子欲打前方白衣人,幾乎「跣腳」,其後白衣人才反擊,林確認持喉者曾「隊把遮出去」,但有否打中白衣人則不清楚。

林重申:「當時電光火石,現場又混亂,啲人走嚟走去,啲遮郁嚟郁去,我知道射緊水喉嘅,知道嗰度係有衝突嘅,但係邊個隊把遮先,點樣隊法,喺呢度(法庭)都要睇幾次啦,現場根本係冇睇到呢個情況。」

審訊下周一(11日)續。

法院:區域法院
法官:法官陳廣池
被告:林卓廷、庾家豪、陳永晞、葉鑫昇、鄺浩林、尹仲明、楊朗
控罪:暴動罪

法律代表
控方:高級檢控官程慧明
辯方:大律師黃錦娟(林卓廷)、大律師李百秋(庾家豪)、資深大律師潘熙(陳永晞)、大律師鄭凱霖(葉鑫昇)、大律師周慶澎(鄺浩林)、大律師黎建華(尹仲明)、大律師曾敏怡(楊朗)
案件編號:DCCC1106/2020

如欲接收每日報道整合,請在訊息欄內填寫電郵地址

訂閱及追蹤我們