林卓廷等涉721暴動|盤問揭案發當日兩便衣警在元朗站控制室 站務職員稱案發前兩日由天水圍警署提有關要求

分享文章

2019年7月21日港鐵元朗站發生襲擊事件,前立法會議員林卓廷被指與另外6名男子參與暴動,案件今(3日)在區域法院踏入第14日審訊,元朗站車站事務經理供稱,當晚於11時45分到場處理事故,見兩名天水圍警署便衣警員在車站控制室,另車站內亦有鐵路警區警員,辯方追問為何得悉便衣者就是警員,經理指案發前兩日天水圍警署要求,於7.21當晚放置兩名警員於車站控制室監察,直至7月20日收到具體安排,以他所知,案發當日「根據安排係1700已經有兩個警員 」,被辯方再度追問後,他最終指「確實幾多點幾多位,冇確實時間」。【林卓廷等涉721暴動案報道結集】

本案7名被告為林卓廷(43歲)、庾家豪(35歲)、陳永晞(37歲)、葉鑫昇(31歲)、鄺浩林(26歲)、尹仲明(48歲)及楊朗(26歲)。

警方「唔會一個不合理長嘅時間」才到場

匿名證人、車站事務經理B先生表示,其工作職責是管理車站運作,故案發當日於晚上11時45分抵達元朗站處理車站事故。代表庾家豪的辯方大律師李百秋關注當日報警的情況,B稱當日車站通知控制中心(OCC)後,經控制中心報警,但他不知確實報警時間。李百秋遂問,一般而言警員時隔多久會到場?B指「一般嚟講都係短時間⋯⋯唔會一個不合理長嘅時間,可能十零分鐘,或者4個字,半個鐘頭內都會」。

李百秋指,以B所知,當晚是否直至晚上11時15分才有大量警員出現?B表示不知確實時間。李百秋再問,那麼B於晚上11時45分到場時有否看見警員?B指:「我入到去元朗站車站控制室SCR,有兩個天水圍警署便裝警員⋯⋯非公眾地方,亦都有鐵路警區警員喺車站。」李百秋繼而連番追問。

代表代表庾家豪的大律師李百秋(辯方

辯方:既然便裝,你點知係警員?

B:因為較早時間,天水圍警署警員曾經聯絡我,要求放置兩個警員喺SCR(車站控制室)嗰個位置,監察車站情況。

辯方:當日之前,車站已安置兩個或以上便裝警員喺車站控制室?

B:7月19號一個天水圍警察同事⋯⋯透過WhatsApp問我可唔可以facilitate(方便)呢個運作,我話可以,佢7月20號畀咗具體安排我。

辯方:便裝警員幾點鐘喺站長室?

B:根據安排係1700已經有兩個警員。

辯方:5點鐘已經有兩個便裝警員喺元朗地鐵站長室?

B:⋯⋯確實幾多點、幾多位,冇確實時間。

李百秋遂指,換言之,控制室內的警員由下午5時起已可透過閉路電視,「好清楚見到晒元朗車站裏面發生嘅事」,問B是否同意?B稱「我代唔到佢確認」,但確認有閉路電視。

大部分緊急掣同時被重置 工程師指或通話後一次過按動

就緊急掣運作方面,港鐵設計工程師D先生昨日確認,涉事8卡列車內共有40個緊急掣,7.21當晚共有24個被人按動,他今早在車站事務經理B作供前續接受辯方盤問,辯方大律師黎建華表示,紀錄顯示當晚11時11分之前,「大部分緊急掣都係同時間被reset(重置)」,關注能否一次過按掣重置,抑或需要逐個按動重置,D確認「可以一次過」,至於能否逐個重置,他已不記得

辯方大律師曾敏怡進一步指出,「好多E Call(緊急通話)都係響咗好耐,跟住一次過被重置晒」,D確認。曾敏怡遂問:「係咪可以作出合理推論,應該好多E Call都冇接到,喺大部分被重設之前?」D聞言稱不能作此推論,「有冇接我係唔知,可能係接咗之後一次過重置」,曾敏怡質疑「但冇可能一次過接晒咁多個」,D指車長可以「一個一個」接收,不立刻重置,故此紀錄顯示部分緊急通話的時間較長。

24個掣同時響 官:司機「癲都有份㗎喎」

控方在覆問階段問及有關緊急掣的設計,包括當有人按動緊急掣後,會否有任何信號例如亮燈,讓按掣者得知已成功按掣,D表示不記得。法官陳廣池追問,按常理按掣後,若沒有重置,「個掣唔會彈返上嚟」,但D指緊急掣有兩款設計,包括不回彈及回彈。

陳官續關注,當有人按動緊急掣,車長室除亮燈外會否發出聲響。D確認有,並指印象是長聲響。陳官指,換言之列車車長室內有「長鳴聲浪」,而直至車長按掣回應,與按緊急掣者對話,長鳴聲才會停止?D確認。

陳官質疑:「如果24個緊急掣,咁嗰個咪成個好似音響會咁,咪好似concert咁?咁咪好嘈?」D稱相信車長室「真係好嘈」。陳官遂指:「俗一句講啲,以心為心嘅話,如果你易地而處嘅話,喺司機室入面,咁狹窄嘅空間,即係癲都有份㗎喎?」D指當下情況緊急,亦有多通緊急通話,「我可以想像到當其時,司機係非常之緊張嘅」。【林卓廷等涉721暴動案報道結集】

法院:區域法院
法官:法官陳廣池
被告:林卓廷、庾家豪、陳永晞、葉鑫昇、鄺浩林、尹仲明、楊朗
控罪:暴動罪

法律代表
控方:高級檢控官程慧明
辯方:大律師黃錦娟(林卓廷)、大律師李百秋(庾家豪)、資深大律師潘熙(陳永晞)、大律師鄭凱霖(葉鑫昇)、大律師周慶澎(鄺浩林)、大律師黎建華(尹仲明)、大律師曾敏怡(楊朗)
案件編號:DCCC1106/2020

如欲接收每日報道整合,請在訊息欄內填寫電郵地址

訂閱及追蹤我們