林卓廷等涉721暴動|控方指林卓廷沒嘗試與白衣人和談 是希望挑撥雙方敵意「完全置現場市民安危不顧」 林:「指鹿為馬,我絕不能同意」

分享文章

2019年7月21日港鐵元朗站發生襲擊事件,前立法會議員林卓廷被指與另外6名男子參與暴動,7人否認暴動罪,今(13日)在區域法院續審,踏入第28天審訊。控方在盤問時質疑林卓廷無嘗試與白衣人「商討」或「和談」,嘗試平息事件,包括在大叫「唔好郁手」後,嘗試說「有事慢慢傾」及「不如大家冷靜啲,放咗啲市民出閘返屋企」,林直言:「根本現場環境都唔係咁,我講呢啲說話會唔會好天真呢?人地粗口爛舌一路鬧緊你,睇落形勢隨時郁手打你⋯⋯」林質疑在白衣人動手後「點傾」,控方所指實屬強人所難。

控方向林指出案情,指林號召他人留在付費區,以致集結人士愈來愈多,終釀成激烈衝突,他更自恃為立法會議員,認為白衣人不敢襲擊他,遂連同人群放肆地挑釁白衣人;林亦無聯絡何君堯,嘗試商討平息事件的方法,林一概否認。控方最後指出林無意平息事件,反希望挑撥雙方敵意,「完全置現場市民安危不顧」,林驚訝謂:「哇!呢個指鹿為馬,我絕不能同意。」審訊明續。【林卓廷等涉721暴動案報道結集】

高級檢控官程慧明今午續盤問林卓廷,並指事實上白衣人是選擇性襲擊,只攻擊從人群走出或有份挑釁他們的人士,但沒有攻擊如常出閘的市民,林指片段所見,白衣人「唔係淨係打一個」,遇襲者的亦包括記者。

控方指白衣人選擇性打人 林:不知打人準則

控方指,當時任記者的何桂藍本身在閘外,「一路揸住電話拍攝,出咗去之後就俾人打,因為佢(何)影佢哋(白衣人),可能挑釁咗」。控方重申,並非意指「挑釁你,你就打人」是正確的做法,但問林會否同意白衣人是「選擇性打人」。林指:「我唔係嗰啲白衣人呀!我根本唔知佢哋用咩準則去打人,同埋我更加唔同意影佢就係挑釁囉。」

控方質疑,林從來沒有與白衣人商討及和談嘗試平息事件,林否認,強調在白衣人未動手前,他已多次大叫「唔好郁手」,但白衣人在短時間內已開始打人及擲物,他反問道:「隔住玻璃欄杆,揮棍打你喎,你停咗襲擊可以有機會傾㗎,一路打緊人,點埋去閘個度,點傾呀?太過強人所難下話?」

不過,控方質疑問:「佢哋一嚟到就郁手打人咩」,林解釋當時白衣人已在指罵他們,控方即稱指罵及動作是兩回事。控方續連番追問林有否嘗試平息事件。

林:「對方好似檢控官閣下你咁斯文,就好好傾啦」

高級檢控官程慧明() 林卓廷() 法官陳廣池(

:你冇做過類似平息事件嘅嘢,同唔同意?

:我係做唔到,唔係冇做到⋯⋯

:「唔好郁手」會唔會下一句係「有事慢慢傾」?你從來都冇講過呢句。

:(笑)我冇講過呢句。

:(有冇講)不如大家冷靜啲,放咗啲市民出閘返屋企。

:根本現場環境都唔係咁,我講呢啲說話會唔會好天真呢?人哋粗口爛舌一路鬧緊你,睇落形勢隨時郁手打你,對方好似檢控官閣下你咁斯文,就好好傾啦,唔係吖嘛!

:冇試你點知有冇用呢?

:我評估係冇用囉,我評估當時就係要阻止暴力開始先⋯⋯如果唔係點解講咁多次「唔好郁手」。

:咁你覺得有冇用?

:咁佢唔聽,我盡咗力囉。

:即係冇用啦?

:你同唔同意?

:同意吖。

控方指有空間找何君堯商討 林稱當下處理眼前危機

林重申,除了大喊「唔好郁手」,他亦大叫「影住佢」及「警察嚟緊拉你哋,夠膽唔好走」以阻嚇白衣人,最後甚至作出嚴重警告,大叫「真係打死人喇」,喝止步入付費區範圍的白衣人後退。控方遂問林,會否同意其立法會議員身分對平息事件幫助不大,林同意「最終係」。

就有男子在元朗站向林稱「何君堯同啲白衫影相,喺公園嗰度」、「你過唔過去呀」,控方指,「如果你想嘅話,喺一個較早階段,你係有空間去考慮,去唔去同何君堯商討吓平息事件方法」,林強調當下要應付眼前的危機,沒有心神考慮有否空間。

控方另指,當時身在付費區的黑衣人有份挑釁白衣人,但林表示不同意,「白衣人喺外面一路打人⋯⋯罵佢(哋),點樣叫挑釁佢呢?我都指白衣人叫佢唔好入嚟,呢個係喝止佢,唔係挑釁」。控方遂撤回「挑釁」二字,再問林有否留意身穿黑衣的人士亦有指罵及向白衣人擲物,林同意在庭上看片時有見到此情況。控方再問,林會否同意此舉有機會挑起白衣人的對抗情緒?林否認。

控方指林自恃為立會議員 「白衣人唔夠膽襲擊你」

控方向林指出控方案情,指林到場後號召他人留在付費區,以致集結人士愈來愈多,令對峙氣氛愈趨嚴重,最終釀成激烈衝突。林答指「完全唔同意」。控方續指,林自恃為立法會議員,認為「白衣人唔夠膽襲擊你」,於是林連同付費區人群放肆地挑釁白衣人,林聞言冷笑稱:「哇!完全唔同意。」

控方稱,林沒有試圖以任何方式聯絡何君堯,「傾吓有冇方法平息事件」,並無以更和平的方式與白衣人一方商討,容許市民安全離開現場,更無向元朗區議員或相關立法會議員求助,林一概稱「唔同意」。

控方最後稱:「我向你指出,你根本無意平息事件,相反地,你行為係希望挑撥雙方人士(付費區內及外人士)嘅敵意,破壞社會安寧,完全置現場市民安危不顧。」林再次驚訝謂:「哇!呢個指鹿為馬,我絕不能同意。」

審訊明續,控方料明天完成對林卓廷的盤問。【林卓廷等涉721暴動案報道結集】

法院:區域法院
法官:法官陳廣池
被告:林卓廷、庾家豪、陳永晞、葉鑫昇、鄺浩林、尹仲明、楊朗
控罪:暴動罪

法律代表
控方:高級檢控官程慧明
辯方:大律師黃錦娟(林卓廷)、大律師李百秋(庾家豪)、資深大律師潘熙(陳永晞)、大律師鄭凱霖(葉鑫昇)、大律師周慶澎(鄺浩林)、大律師黎建華(尹仲明)、大律師曾敏怡(楊朗)
案件編號:DCCC1106/2020

如欲接收每日報道整合,請在訊息欄內填寫電郵地址

訂閱及追蹤我們