Search
Close this search box.

林卓廷等涉721暴動|匿名證人自認當日在元朗站湊熱鬧 在盤問下 稱不排除閘內也有人「同我一樣係鍾意睇熱鬧嘅人」

分享文章

2019年7月21日港鐵元朗站發生襲擊事件,前立法會議員林卓廷被指與另外6名男子參與暴動,案件今(1日)在區域法院踏入第12日審訊。匿名市民證人續接受辯方盤問,她確認當日在元朗站閘外湊熱鬧,但不相信閘內人士同為湊熱鬧。不過,在辯方連番追問下,她改稱不排除有人「同我一樣係一個鍾意睇熱鬧嘅人」,但相信有人會擔心「殃及池魚」而選擇離開。至於她早前供稱白衣人受閘內人士挑釁後「忍唔住跳欄入去」,她今否認是個人猜測,而是從白衣人身體動態得出他們「忍唔住」,不過她再三強調現時印象模糊,最終承認不知道白衣人為何跳入閘。審訊明續,將傳召港鐵職員。【林卓廷等涉721暴動案報道結集】

7名被告依次為林卓廷(43歲)、庾家豪(35歲)、陳永晞(37歲)、葉鑫昇(31歲)、鄺浩林(26歲)、尹仲明(48歲)及楊朗(26歲)。

補錄口供前 證人曾看警方播放248條片段

匿名市民證人A女士今續接受辯方盤問,代表第三被告陳永晞的資深大律師潘熙指出,根據A在2019年8月錄取的首份口供,她描述元朗站閘內有人大叫「過嚟啦」,並在20個月後補錄口供時補充閘內者亦有叫喊「唔好走」,潘熙遂指「『唔好走』係20個月之後先突然加落去嘅」,當中有兩個可能性,一是「真係突然記得番」,二是當證人看過片段聽到有人叫「唔好走」才在口供增添這句,A一概同意。

在盤問下,A同意案發後至補錄口供期間,她有機會看過網上就721事件的報道,亦曾與朋友談論事件。潘熙亦指,根據口供紀錄,A在補錄口供前,警方曾向她播放248段片段,她在當中17段認出自己,潘熙遂問A,她有沒有機會將記憶與片段或朋友談論內容混淆,再當為自己的記憶?A表示「我自己都會擔心有呢樣嘢嘅」。

證人一度說:「相信付費區入面冇人睇熱鬧」

對於A早前供稱在元朗站內湊熱鬧,潘熙今向她確認「你喺非付費區睇熱鬧,你唔係喺嗰度參加暴動吖嘛」,A同意,而在場有約20人與她一同湊熱鬧。潘熙遂指,付費區內是否同樣有人湊熱鬧?A聞言稱:「我相信付費區入面冇人睇熱鬧啩,會打㗎嘛。」

但潘熙指出,閘內人士當中,並非每一位都與白衣人有對話及互動,亦有人手上「冇攞遮,乜嘢都冇攞」,A同意。潘熙再指,閘內有人靠在牆邊或如證人般站着湊熱鬧,A稱事隔多年,「印象真係好模糊」,並問法官陳廣池「呢條問題可唔可以唔答」,遭陳官拒絕,A於是指「我又唔覺喎」。不過,當潘熙再追問,A再次改變其答案。

親眼見白衣人跳入閘? 證人:印象模糊

代表第三被告陳永晞的資深大律師潘熙(辯方

辯方:我向你指出,付費區入面有啲人有可能喺嗰度睇熱鬧啫⋯⋯你同唔同意呢個講法?

證人:係。

辯方:你都同意入面都好似你咁,有啲人八卦睇熱鬧?

證人:其實係一半同意囉。

她解釋,因不排除有人「同我一樣係一個鍾意睇熱鬧嘅人」,但她亦相信有人會擔心殃及池魚而選擇離開。

就A作供時提及閘內人士叫囂擲物之後,白衣人「忍唔住之後跳欄入去,想打佢哋」,潘熙關注A有否親眼目睹白衣人跳入閘,A表示現時已經印象模糊。潘熙於是質疑:「白衣人點解要跳入去付費區,其實你唔知,定係你想同佢哋入去打人?」A答指「如果係,我入咗去啦」。她解釋,當時閘內的人噴水施襲,閘外者正在躲避,其後閘內者叫喊「過嚟啦」,故此她認為「感覺係挑釁咗佢,想佢哋入去囉,跟住佢哋都入去嘅話,就好自然會打鬥」。

證人稱看不見噴水前有孕婦及記者遇襲

潘熙稱,既然證人印象模糊,那麼她所指白衣人「忍唔住」跳入閘亦只是她作供時的感覺,A不同意,強調當時觀察到白衣人的身體動態,他們因避水而向後退,但「又好想前進」。潘熙質疑說法屬證人的猜測,A表示「唔係估」,但隨即再指「呢個唔肯定喇,真係模糊咗」。潘熙再向她確認,究竟白衣人是否忍不住跳入閘,證人此刻印象模糊,亦不肯定,問A上述是否為公平說法?A同意,她亦同意不認識跳入閘的白衣人。潘熙進一步問道:「會唔會當時,點解呢啲人(白衣人)要跳入去、跳入去想做咩嘢,你係唔知?」A稱「唔知」。

潘熙又問A是否知悉,噴水之前有孕婦及記者遇襲?A一概指看不見。

A作供完畢,控方應法官陳廣池要求,明日起傳召港鐵職員出庭作供。控方為4名港鐵職員申請匿名令,要求讓他們在屏風後作供及以特別通道出入,獲陳官批准。【林卓廷等涉721暴動案報道結集】

法院:區域法院
法官:法官陳廣池
被告:林卓廷、庾家豪、陳永晞、葉鑫昇、鄺浩林、尹仲明、楊朗
控罪:暴動罪

法律代表
控方:高級檢控官程慧明
辯方:大律師黃錦娟(林卓廷)、大律師李百秋(庾家豪)、資深大律師潘熙(陳永晞)、大律師鄭凱霖(葉鑫昇)、大律師周慶澎(鄺浩林)、大律師黎建華(尹仲明)、大律師曾敏怡(楊朗)
案件編號:DCCC1106/2020

如欲接收每日報道整合,請在訊息欄內填寫電郵地址

訂閱及追蹤我們