支聯會國安案今（28日）處理求情，前副主席鄒幸彤在庭上陳詞時，屢遭法官打斷發言，她的Patreon早前上載了「我的陳情文」，內容除了庭上提及的部分外，亦提及她對「結束一黨專政」的信念等。
鄒在陳情文寫道，「結束一黨專政」是她的真誠信念，亦不止她一人，「維園30年嘅燭光已經證明咗呢一點」，若要她為所信的一切求情和道歉，「係最虛偽嘅一件事，亦侮辱緊持有同樣信念嘅所有人⋯⋯所以我唔會咁樣做，連屠城嘅劊子手都未出嚟道歉，幾時輪得到我哋？」
鄒在文中亦提到，無悔與支聯會及香港人一同走過的路，「只係辛苦咗我嘅屋企人同愛我嘅人，我唯一要請求原諒嘅對象，亦只有佢哋」，不論在獄中獄外，都會繼續為支聯會五大綱領而努力，直至民主到來之日，更指：「如果咁樣做會令我成為永遠嘅罪犯……我寧願做一個罪犯，都唔要做一個背叛良知嘅人。」【支聯會國安案報道結集】
鄒幸彤在文中開首提到：「206頁判詞，講嚟講去就係追求民主有罪。」她稱，不認為任何政黨可將國家的主權「私相授受」，「自己話自己就係人民嘅選擇，自己話自己就係唯一嘅領導，仲要話每個人都有法律上嘅義務去擁護佢呢個自封嘅王位，咁嘅所謂法律，只係暴政嘅同義詞」。
陳情文亦提到，即使法庭表示不是審判信念，「都改變唔到喺呢份判決之下，相信『結束一黨專政』呢個理念嘅人再無掟企嘅事實，係咁嘅法律眼中，我哋有呢個思想就已經係違憲，係非法，係原罪，就算我哋只係做緊一件完全正當嘅事，比如係悼念六四，都會因為我哋本身思想上嘅『不正確』變成犯罪」。
文章直言法律無法控制任何人的思想，「當法律執意與良知作對，輸嘅只會係法律，失去認受性嘅亦只會係法律」，「『結束一黨專政』係我哋呢一代嘅香港人又好，中國人又好，無可迴避嘅責任。呢件事必須由我哋自己去完成，只能由我哋自己去完成，無任何外面嘅人可以去代勞。」
「結束一黨專政」是真誠信念 維園燭光30年已可證
文中又提到，「結束一黨專政」是她真誠的想法及信念，「唔止係我一個人嘅信念，維園30年嘅燭光已經證明咗呢一點」，從來不是靠「敵我思維」，甚或透過煽動仇恨來維繫，只需講道理及事實，足以令明事理的人支持，「只有講唔通道理嘅人，先至成日要靠仇恨動員，而我哋根本就唔需要。只有毫無自信嘅人，先至會睇乜都見到敵意，而我哋根本就唔會咁樣去睇世界，我哋對我哋所相信嘅，所堅持嘅，有絶對嘅信⼼」。
「專政係靠仇恨去維持佢嘅統治，唔等於⼈⼈都要⽤佢果套，唔等於個世界就真係圍繞住仇恨去運轉對。平等同正義嘅信念，對人性同真相嘅尊重，從來都係比仇恨更強大，更持久嘅力量。」
為自己所相信去求情、道歉 「係最虛偽嘅一件事」
關於「求情」方面，鄒在陳情文中寫道：「為自己所相信嘅一切去求情、去道歉，係最虛偽嘅一件事，亦係侮辱緊持有同樣信念嘅所有人。所以我唔會咁樣做，唔能夠咁樣做，連屠城嘅劊子手都未出嚟道歉，幾時輪得到我哋呢？即使世道顛倒，我哋亦唔應該為政權所做唔啱嘅事道歉，令自己都成為咗顛倒嘅一部份。」
文中亦提到，如法庭認為本案屬「情節嚴重」，「我會當成係對我哋嘅讚美，因為咁表示我哋真係有做到嘢嘛」、「能夠搵得到自己相信嘅使命，搵得到可以並肩作戰嘅伙伴，係人生最幸福嘅事，所以對於我同支聯會、同香港人一齊行過嘅路，我一啲都唔後悔，只係辛苦咗我嘅屋企人同愛我嘅人，我唯一要請求原諒嘅對象，亦只有佢哋」。
鄒在陳情文亦有寫到對於將來的期望，無論在獄中抑或獄外，她都會繼續為「釋放民運人士」、「平反八九民運」、「追究屠城責任」、「結束一黨專政」、「建設民主香港與中國」而努力，直到民主到來之日，「呢個係我公開作出過無數次嘅承諾，係我喺燭海之中對死難者許下嘅莊嚴誓言，而我唔打算做個無口齒嘅人 」。
「如果咁樣做會令我成為永遠嘅罪犯，如果法律真係容不下我哋嘅信念， 咁我寧願做一個罪犯，都唔要做一個背叛良知嘅人。我會同所有唔認命嘅香港人一齊，繼續行呢條未完嘅民主路。」
陳情文最後以四句作結：「燭光如海，人心成濤，粉身拍岸，不平不休。」
本案4名被告依次為：香港市民支援愛國民主運動聯合會、李卓人、何俊仁、鄒幸彤。
控罪詳情指稱，被告於2020年7月1日至2021年9月8日期間，在香港煽動他人組織、策劃、實施或參與實施以非法手段（即結束中國共產黨領導，違反中華人民共和國憲法（特別是第一條和序言）），旨在顛覆國家政權的行為，即推翻、破壞中華人民共和國憲法所確立的中華人民共和國根本制度，或推翻中華人民共和國中央政權機關。【支聯會國安案報道結集】
法院：高等法院
法官：國安法指定法官李運騰、黎婉姫、陳仲衡
被告：香港市民支援愛國民主運動聯合會、李卓人、何俊仁、鄒幸彤
控罪：煽動他人顛覆國家政權
法律代表
辯方：鄒幸彤自行代表；李卓人、何俊仁由大律師沈士文、大律師梁麗幗、大律師胡栢昌、大律師劉樂遥代表；支聯會由資深大律師林芷瑩代表
控方：副刑事檢控專員黎嘉誼、助理刑事檢控專員張卓勤、高級檢控官吳加悅
案件編號：HCCC155/2022
如欲接收每日報道整合，請在訊息欄內填寫電郵地址
