已解散的支聯會被指煽動顛覆國家政權案，支聯會、前主席李卓人及前副主席鄒幸彤不認罪，案件今（18日）踏入第14天審訊。控方盤問李卓人，連番問他與支聯會對中國共產黨的看法，並質疑李卓人一直對共產黨「有極大敵意」，李卓人反駁：「我心中無敵意，只有愛，我係基於對人民嘅愛，去希望共產黨係有個改革，係令到人民可以得到佢應有嘅權利同埋幸福。」李卓人又指，他持「是其是，非其非」的態度，遭法官陳仲衡質疑，指李卓人及支聯會對國內發生的事只有「負面批評」，沒有「正面批評」。李卓人認為，只有在國內發生不好的事情，作為支援角色的支聯會才需回應。
另外，控方重提李卓人於八九民運時期帶同在港籌得款項赴北京支援，當時「四二六社論」已將運動定性為「動亂」及「反革命」，指李卓人明知此舉可能犯國家刑法或法律。李卓人稱「嗰時唔諗呢啲嘢」，又指「從民間角度係愛國民主運動，我堅持站喺民間嘅立場」。【支聯會國安案報道結集】
控方今開始盤問李卓人，在盤問之初，副刑事檢控專員黎嘉誼便問及1989年的人權狀況。李卓人稱，中共中央總書記胡耀邦主政時，氣氛較為開放，在八九民運之前，北京大學有許多討論會和民主沙龍，惟其後黨內力量反對社會開放，發起「反精神污染運動」，令情況稍為倒退，但整體而言，「大家感受係朝向一個比較開放嘅社會」。直至趙紫陽接任後，趙亦希望有更多人權保障、有獨立於黨的社會團體。
控：運動被官方定性動亂 李攜款赴京支援違法
黎嘉誼續問李卓人於1989年5月底帶同在港籌得款項前往北京支援天安門廣場學生一事，問道：「有冇擔心去到支援喺天安門廣場嘅人，呢個做法可能唔係咁恰當呢？」李卓人指，當時在港有百萬人參與遊行，亦有許多人捐款，「我諗大家覺得，學生所做嘅係中國嘅希望，佢哋係愛國，為中國前景，希望打造更加自由民主嘅國度」。
法官黎婉姫着李卓人回答自己的看法：「唔好講你覺得全香港人點。」李卓人於是稱：「我覺得恰當，因為我自己從事工會運動，我一路從事公民社會運動，都係希望人民可以站出嚟發佢嘅聲音，去掌握自己嘅命運，呢個係我一世奮鬥嘅立場嚟嘅，有學生市民出嚟爭取新聞自由、言論自由、爭取民主，我覺得非常恰當，但係可惜，當然係好痛心，佢哋咁嘅做法，最後係鎮壓收場，我完全覺得佢哋係愛國，佢哋咁嘅做法係恰當，可惜得唔到回應。」
黎嘉誼即提到「四二六社論」，並問及李卓人對當中的理解。李卓人指，「四二六社論」將運動定性為「動亂」及「反革命」，因而激起學生的憤慨，他們開始絕食，「都激發香港，包括我自己在內，更加覺得要行出嚟要保護北京市民學生，希望佢哋可以成功改變定性」。李卓人亦確認社論一刊出他便知悉。
李：民間角度是愛國民主運動 堅持站民間立場
黎嘉誼又問：「『四二六社論』係咪一啲報紙社論？」李卓人解釋是《人民日報》社論。黎嘉誼再問：「係國內嘅報紙嚟嘅？」獲李卓人確認。
黎嘉誼遂指，李卓人出發赴京前已有「四二六社論」，國內已將運動定性為犯法或屬犯罪行為，「你都會相信或者知悉⋯⋯去北京，攞住款項去支援天安門廣場嘅人士就係支援緊動亂、反革命喎，喺國內」。李卓人聞言稱：「從官方角度係，從民間角度係愛國民主運動，我堅持站喺民間嘅立場。」
黎嘉誼向李卓人指出，李卓人當時明知自己帶錢上京支援動亂、反革命人士，自己亦有機會牽涉其中，可能會觸犯或違反國家刑法或法律，李卓人則指：「嗰時唔諗呢啲嘢。」
行使一國兩制公民權 支持《零八憲章》被捕者
黎嘉誼續問到《零八憲章》，李卓人確認，有人發起《零八憲章》時，他不知道屬違法，直至相關人士被捕及判刑，便知「佢哋喺國內眼中係違法」，於是支聯會在港發起要求釋放劉曉波的運動。
黎嘉誼遂問：「你哋支聯會都係完全清楚，國內話佢哋係違反咗國內嘅法律？」李卓人表示「完全清楚」。黎嘉誼即質疑，既然如此，支聯會仍繼續鼓吹支持他們？李卓人確認支持，但重申：「我哋係喺一國兩制保障下、《基本法》保障下，行使喺香港嘅公民權利。」
控方：中共領導國家，實際推行的是一黨專政？
在盤問下，李卓人確認一直堅持支聯會的五大綱領，包括「結束一黨專政」。黎嘉誼其後連番追問他及支聯會對於中國共產黨的看法。
控：中國共產黨係獨裁政權？
李：立國之後係獨裁政權
控：中國共產黨喺國內扼殺咗人民嘅聲音，尤其對異見嘅聲音？
李：同意
控：中國共產黨扼殺民主？
李：同意⋯⋯佢哋有啲窗口係曾經令我哋感受到，佢哋想走向民主，咁但係個窗口有時又開少少，又時又閂咗，而我哋期待就嗰個窗口一直開，權力歸於人民，由人民決定國家領導。
控：中國共產黨透過國家政制去打壓人民？
李：佢哋係透過掌權所有行政立法司法權力，去壓制人民喺憲法下面應有嘅權利。
控：因為中國共產黨領導國家嘅關係，國家係冇人民有真正參與到嘅選舉。
李：同意
控：中國共產黨領導國家，實際推行嘅係一黨專政。
李：我同意，但佢唔應該係一黨專政。
黎嘉誼遂指，據李卓人對共產黨的態度，再連結支聯會鼓吹的「結束一黨專政」，向李卓人指：「你一直對中國共產黨領導國家，係有極大嘅敵意嘅。」李卓人即指不同意，黎嘉誼於是稱：「咁至少有敵意吖。」
李卓人回答：「我心中無敵意，只有愛，我係基於對人民嘅愛，去希望共產黨係有個改革，係令到人民可以得到佢應有嘅權利同埋幸福。」黎嘉誼稱：「咁你其實一直以嚟都係對中國共產黨領導國家有不滿。」李卓人表示：「我都會是其是，非其非。」而他最不滿的是「人民冇得發聲、冇基本權利」。
官問曾否正面批評 李：係好嘅唔需要我哋回應
此時，法官陳仲衡關注，據已呈堂的證據，問李卓人：「邊部分係你所講嘅『是其是』？」李卓人解釋，此為他一直的處事態度：「譬如脫貧嗰啲，當然係歡迎，我自己係好不滿農民工到而家都冇戶籍。」他重申：「希望法官閣下你明白，好多時我哋就一個議題去講，唔係就住成個中國處境講，唔會宏觀地評論，我哋唔係評論員。」
陳官遂問：「你認為做得好嘅議題有冇發聲呢？」李卓人確認沒有，並再次強調他們不是就中國的整體發展來評論。陳官再問：「淺白啲嚟講，支聯會或者你對國內一切事情，都係一啲負面批評，就冇正面嘅批評？」
李卓人答：「我哋本身就住啲議題發聲，嗰啲議題都係負面。」陳官追問：「冇就正面議題表達？」李卓人遂指：「正面議題就冇乜（表達）⋯⋯我哋係支援，支援係有發生咗事，我哋去回應，如果係好嘅，唔需要我哋回應吖，係唔好先需要我哋回應。」
李明言欣賞共產黨 同意中共領導對國家不好
黎嘉誼繼續盤問，提及自支聯會成立以來，李卓人與支聯會是否認為中共領導「對國家唔好」。李卓人明言：「我後生係好欣賞共產黨，我係跟共產黨學搞工會運動，你唔可以話我由共產黨成立開始，一直以嚟都對共產黨負面，我係完全係欣賞共產黨，組織工人農民⋯⋯同埋喺抗日嗰個決心。因為我哋理想係民主自由，冇民主自由⋯⋯唔係我哋想見到嘅國家。」
黎嘉誼重複問題，李卓人答：「我哋希望佢好，你想我直接答你，佢係對國家唔好，希望佢對國家人民更加好。」黎嘉誼向李卓人釐清，是否意指他與支聯會認為中共領導對國家不好？李卓人同意，並答：「但我再強調，我係希望佢（中國共產黨）好。」
本案4名被告依次為：香港市民支援愛國民主運動聯合會、李卓人、何俊仁、鄒幸彤。
控罪詳情指稱，被告於2020年7月1日至2021年9月8日期間，在香港煽動他人組織、策劃、實施或參與實施以非法手段（即結束中國共產黨領導，違反中華人民共和國憲法（特別是第一條和序言）），旨在顛覆國家政權的行為，即推翻、破壞中華人民共和國憲法所確立的中華人民共和國根本制度，或推翻中華人民共和國中央政權機關。【支聯會國安案報道結集】
法院：高等法院
法官：國安法指定法官李運騰、黎婉姫、陳仲衡
被告：香港市民支援愛國民主運動聯合會、李卓人、何俊仁、鄒幸彤
控罪：煽動他人顛覆國家政權
法律代表
辯方：鄒幸彤自行代表；李卓人、何俊仁由大律師沈士文、大律師梁麗幗、大律師胡栢昌、大律師劉樂遥代表；支聯會由資深大律師林芷瑩代表
控方：副刑事檢控專員黎嘉誼、助理刑事檢控專員張卓勤、高級檢控官吳加悅
案件編號：HCCC155/2022
如欲接收每日報道整合，請在訊息欄內填寫電郵地址
