2012年10.1國慶日39死的南丫海難，死因裁判官周慧珠今（22日）讀畢裁決內容，並向各方提出總共14項建議 。一眾遺屬在裁決後再度召開記者會，表示極度失望及不滿。對於死因官指要求驗船人員拿圖則驗船「不切實際」，死者梁家杰胞姐梁淑玲質疑：「年檢唔係就係要檢查每一樣嘢安唔安全咩？」；另一遺屬徐志盛又詰問，死因庭判決是否可釋除公眾疑慮。
對於死因裁判官希望各界汲取教訓，徐反指：「汲取教訓係我哋39個屋企人喎，好似同其他人無關咁而家，受教訓嗰個係我哋喎⋯⋯而家我哋仲被人指住話我哋係多餘喎、不切實際喎。」
梁淑玲再問：「我要體恤所有嘅海事處人員，邊個體恤家屬呀？我哋13年前冇咗一個我哋嘅摯愛，你覺得我哋冇咗就係冇咗喇？呢一個烙印，係一世嘅。」家屬稱，會考慮上訴死因庭裁決。【南丫海難死因研訊報道結集】
死者梁家杰胞姐梁淑玲在死因研訊宣讀裁決完後強調：「我可以代表所有家屬去講，我哋係極度失望嘅，對於今次嘅裁決」、「極度不滿」。她指，召開死因庭的意義，是了解事件前因後果，包括「南丫四號」缺失水密門一事，「因為13年喇已經，所以的而且確，每一年，比再多一年，去追求個真相會比較困難⋯⋯touch wood我唔希望香港再有慘劇嘅發生啦，但如果真係有慘劇發生呢，係唔好拖延，盡快去搵個真相，香港先至可以move on（往前走），先至可以進步。」
遺屬：嗰隻（水密）門係可有可無⋯⋯我覺得係ridiculous，係匪夷所思
她續指，家屬方、海事處及死因庭的專家證人，均指出如果有水密門，「南丫四號」不會沉沒得如此迅速，「呢個係鐵一般嘅事實」，而財利船廠起初呈交的圖則亦標示有水密門，但死因裁判官卻指沒有水密門亦符合規例，「即係佢哋做啱咗隻船，嗰隻門係可有可無⋯⋯我覺得係ridiculous（荒謬），係匪夷所思，冇解答過我哋嘅疑問。咁係咪即係話，嗰隻門根本可以唔存在？專家證人講嘅嘢係好中肯，亦都好中立，點解唔採取專家證人，而係佢（死因裁判官）單方面嘅理解呢？我唔係好明白。」認為如果有水密門，有更多生命能獲救，對死因裁判官說法「摸不着頭腦」。
倖存者趙炳全則指，當時已覺船隻迅速沉沒並不尋常，自己僥倖存活、「死過翻生」，對裁決亦極度不滿。
遺屬：我聽完晒呢兩日，我都係唔係好理解，我究竟問邊個嘅責任？
就死因裁判官指，驗船督察毋需拿圖則驗船，並稱此屬「不切實際」，梁淑玲回應：「如果家屬要求每一次嘅驗船，係要攞齊架罉，攞齊圖（則），然後去核實隻船安唔安全呢，係不切實際。對於呢四個字，我只可以講，銘記於心⋯⋯年檢唔係就係要檢查每一樣嘢安唔安全咩？點解係不切實際呢？如果海事處係唔夠人力去做呢件事嘅話，唔該同我哋講，唔該同返你嘅上司講，去理解下，去審核下你哋做緊嘅嘢，係唔係真係維護緊市民嘅安全？」
失去胞兄和姪女的徐志盛則批評，死因裁判官認為「海事處一年驗咁多船好辛苦」，但對照香港海域上航行的船隻和路面行駛的汽車，「運輸處照係年年咁驗車，咁係咪不切實際呢？」
徐志盛又詰問：「你咁嘅判決係咪可以釋除公眾疑慮呢？大家呢到、所有，全部都係納稅人嚟嘅，你哋係有份享受呢個香港，你要釋除我哋作為市民嘅疑慮㗎嘛，係嘛？乜嘢叫不切實際呀？」
梁淑玲亦關注應向誰問責：「到頭來係用咗呢四隻字『不切實際』，所以係好嬲嘅一件事情⋯⋯呢兩日，我哋聽完之後，咁而家隻船就真係沉咗喇，39條人命已經死咗喇，我聽完晒呢兩日，我都係唔係好理解，我究竟問邊個嘅責任？冇人答到我。」
遺屬：我都冇諗過，原來今日唔係最後一日
至於死因裁判官最後勸勉社會各界吸取教訓，徐志盛直言：「汲取教訓係我哋39個屋企人喎，好似同其他人無關咁而家，受教訓嗰個係我哋喎⋯⋯而家我哋仲被人指住話我哋係多餘喎、不切實際喎。」
梁淑玲則指，死因裁判官的想法「太新穎」，「佢帶咗啲新嘅突破畀我哋，匪夷所思」；趙在旁補充：「好多個問號，十萬個問號。」梁淑玲就再問：「我要體恤所有嘅海事處人員，邊個體恤家屬呀？我哋13年前冇咗一個我哋嘅摯愛，你覺得我哋冇咗就係冇咗喇？呢一個烙印，係一世嘅。」
家屬經過「過五關斬六將」，終成功爭取召開死因庭，梁淑玲指成功爭取時，對香港法律仍有希望，但今天則非常失望，並指家屬會考慮提上訴，以及就失職的涉事人員展開行動，「我都冇諗過，原來今日唔係最後一日」。
事發於2012年國慶日晚上，124名港燈員工及家屬乘搭船隻「南丫四號」，從南丫島出發前往維港觀賞煙花，啟航後不久被港九小輪「海泰號」撞穿船身。事故後，時任特首梁振英成立「南丫島附近撞船事故調查委員會」，2013年4月揭「南丫四號」漏裝一道水密門等。
死因庭在2020年11月決定毋須召開死因研訊，直至事件發生十周年、即2022年6月，3名家屬梁淑玲、趙炳全、徐志盛入稟高院要求法庭重新考慮，法官高浩文於2022年11月駁回其申請，梁淑玲、趙炳全繼續上訴，上訴庭於2023年7月裁定家屬方上訴得直，指家屬方發現的新證據未被獨立委員會審視，當中「南丫四號」漏裝水密門，更屬是次海難之根本問題，須透過死因研訊才可讓家屬及公眾全面了解事件。【南丫海難死因研訊報道結集】
法院：死因裁判庭
法官：死因裁判官周慧珠
死者：區曉霖、鄔寶甜、張月媚、許嘉偉、李瑞蘭、郭亮瑩、蘇貴媛、林日、司徒英、伍彩霞、郭文曦、張頌軒、徐蓮好、王惠娥、林基玉、比索志豪、梁頌彩、IE, HWIE WENDY、黃麗珍、黎翠玉、徐志偉、陳敏盈、陳榮基、鄭燕蘭、劉靜嵐、梁家杰、李詠梅、甄子祈、古文昌、趙少琼、林蔚懿、胡毓芬、傅玉靈、林嘉敏、劉文麗、陳巧鑾、鄭先鑫、何黃佩蘭、徐凱盈
法律代表
死因研訊主任： 高級檢控官李希哲
利害關係方：律師許洁瑜（代表港九小輪）、律師沈信安（代表港燈）、資深大律師張天任（代表財利船廠）、大律師羅蔚山（代表海事處）、大律師譚俊傑（代表7名死者家屬）
案件編號：CCDI1075-1113/2012
如欲接收每日報道整合，請在訊息欄內填寫電郵地址
