Search
Close this search box.

初選47人案第92天|何桂藍再解釋為何仍選立會 坦言「答唔到」直至見到61萬人投票:「意義呢家嘢,如果唔做就一定搵唔到」

分享文章

47名民主派人士涉組織及參與2020年立法會「35+初選」,因而被控串謀顛覆國家政權罪,16人否認控罪受審,今(26日)在西九龍裁判法院(暫代高等法院)踏入第92日審訊,被告之一的何桂藍第7天作供,續回應「為何仍要去選立法會」的問題,稱:「你問我2020年搞咗半年搞咁多嘢為乜,其實我係答唔到嘅,直到我見到61萬(初選投票人數)呢個數字,呢一個係當時冇人想像得到會出現嘅局面,可能喺法律嘅場合,就係每樣嘢都好清晰,有原因、有結果、有過程、有動機,但係政治行動唔係跟呢個logic(邏輯)行嘅,簡單嚟講,就係意義呢家嘢,做咗未必搵得到,但係如果唔做就一定搵唔到」。【初選47人案報道結集

今早甫開庭,何桂藍即表示就昨日休庭前,法官李運騰問及既然立法會甚麼也做不到,「究竟選立法會嚟做咩嘢呢」的問題,望作補充回應。她先指,現時有問題的財政審核制度,是由1840年代源用至今,整個設計本來是讓殖民地使用;又表示2019年社會運動從來不是說要進入議會做到些甚麼,而是要改革立法和行政機關的制度,例如雙普選。

政治行動或不跟從邏輯 初選投票數字當時冇人想像得到

何續指出,「為何仍要去選立法會」這問題正是很多人在初選時,質疑初選投票目的的問題,而當時沒有一個民主派人士可完美地回答,「我自己最老實嘅答案,你問我2020年搞咗半年搞咁多嘢為乜,其實我係答唔到嘅,直到我見到61萬(初選投票人數)呢個數字,呢一個係當時冇人想像得到會出現嘅局面,可能喺法律嘅場合就係每樣嘢都好清晰,有原因、有結果、有過程、有動機,但係政治行動唔係跟呢個logic(邏輯)行嘅,簡單嚟講,就係意義呢家嘢,做咗未必搵得到,但係如果唔做就一定搵唔到」。

何桂藍的代表大律師Trevor Beel其後問及何桂藍於2020年7月10日,在大圍擺街站時的發言,並在法官陳慶偉要求下,在庭上播放相關影片。影片中,何桂藍提及「中共一直以來幫香港寫好嘅劇本,就係要香港一步一步咁樣走入了鳥籠式嘅民主」,Beel就問何,她所指的「鳥籠式嘅民主」意思是甚麼?

真正的民主不只可參與投票 涉及整套制度對城市各方面有話語權

何回答時解釋,很多人對民主的理解,是一人一票、有論壇、與官員有問有答等,但真正的民主是涉及整套制度,香港人一直都可參與投票,但對於這城市的規劃、發展、公共開支等都沒有話語權,「佢(制度)透過選舉去吸納民意同吸納民間嘅政治能量,將佢(香港)困咗喺一個根本冇出路亦都冇辦法帶來改變嘅institution(體制)入面」。至於她另亦提到「抗爭到底」,何桂藍就稱,意思是要抗爭至最後一刻,結果可能是被捕、被DQ、失去議席等。

聆訊明續。【初選47人案報道結集

法院:高等法院(西九龍裁判法院暫代)
法官:國安法指定法官陳慶偉、李運騰、陳仲衡
控罪:串謀顛覆國家政權罪
被告:鄭達鴻、楊雪盈、彭卓棋、何啟明、劉偉聰、黃碧雲、施德來、何桂藍、陳志全、鄒家成、林卓廷、梁國雄、柯耀林、李予信、余慧明、吳政亨
列席被告:岑敖暉、黃之鋒、馮達浚、朱凱廸、梁晃維、譚凱邦、胡志偉、劉頴匡、袁嘉蔚、吳敏兒

法律代表
控方:副刑事檢控專員周天行及萬德豪、署理助理刑事檢控專員羅天瑋
案件編號:HCCC69/2022

如欲接收每日報道整合,請在訊息欄內填寫電郵地址

訂閱及追蹤我們