47名民主派人士涉組織及參與2020年立法會「35+初選」，因而被控串謀顛覆國家政權罪，16人否認控罪受審，今（21日）在西九龍裁判法院（暫代高等法院）踏入第89日審訊，被告之一的何桂藍第4天自辯。何桂藍作供時指香港「法治無存」是客觀事實，並引用終審法院非常任法官包致金於2018年提出有關「法治」的四項標準，包括權力分立、保障人權、持續民主化等，「好明顯，呢四點香港一啲都唔合格，所以我認為『法治無存』係一個準確嘅描述。」
何桂藍另在庭上憶述，她得悉將會推行《國安法》之後，腦海出現兩個想法，「第一個就係要走就好走喇，如果唔係可能一生都走唔到；第二個就係，佢哋終於可以搵到一個DQ晒全世界嘅理據」。但她最終決定留港，明知會被取消參選資格，仍公開表明反對《國安法》，因為「我會認為作為一個追求民主嘅人，唔反對一條咁嘅法律係自相矛盾」。【初選47人案報道結集】
「香港政府唔值得任何人晒精神去怨恨」
代表何桂藍的大律師Trevor Beel今早繼續主問，提到控方開案陳詞指何桂藍曾稱「制度崩壞 法治無存」，問何對香港政府是否存有「怨恨」（resentment)。何直言她對政府有非常多不滿，但沒有任何怨恨，「因為香港政府唔值得任何人晒精神去怨恨，連花時間去怨恨佢嘅價值都冇」。
何又指，她認為香港「制度崩壞 法治無存」是客觀事實，法官李運騰聞言皺眉，追問她「客觀事實」的意思。何指出，制度崩壞一點她早前在庭上已闡述，至於一個地方有沒有法治，也存在客觀標準，她繼而引用終審法院非常任法官包致金於2018年討論「法治」在一個不民主地方是否可能時，曾經提出的四項標準：
「第一，係要有司法獨立，唔會有一個憲法朝令夕改；第二，權力之間要分立；第三，人權要有合符國際標準嘅保障；第四，唔可以因為聲稱有法治，就暫停民主化嘅步伐。」
「好明顯，呢四點香港一啲都唔合格，所以我認為『法治無存』係一個準確嘅描述。」
「香港有好多人好怨恨呢個政府 唔需要人鼓動」
何桂藍又指，控方開案陳詞是指控她鼓動（foster）他人的怨恨，而非指她個人有怨恨。Beel追問她有否鼓動他人，何指她對公開發言的要求非常嚴謹，只會說出事實和有理據的事情，「我同意香港有好多人好怨恨呢個政府，係唔需要任何人去foster，都唔可以假設因為係一個怨恨嘅情緒，就冇理性嘅基礎，或者一定需要人煽動而冇自己嘅判斷」。
Beel其後就推行《國安法》一事提問，何憶述，她首次知悉《國安法》會推行，是在2020年5月21日至22日之間，根據她對當時官方消息的理解，條文將會針對癱瘓立法會的行為，數天後她便知悉《國安法》會包括四大罪行。何續指，後來條文於6月30日正式公布時，就沒有採用「癱瘓」的字眼，而是使用了「intervene（干預）」、「disrupt（破壞）」等字眼，「去到6月，一啲我以為係履行緊議會責任、盡責審議，都會被納入國安法罪行入面⋯⋯throughout 成個控罪時間，我都真係冇諗到㩒個反對掣，都算係『干預』，因為對我嚟講，投票或者投反對票，連議會抗爭都唔算」。
得悉推行國安法後 「我第一個決定就係唔走」
何在辯方追問下，進一步闡述她當時的心境，憶述得悉推行國安法的消息時，她有兩個反應，「第一個就係要走就好走喇，如果唔係可能一生都走唔到；第二個就係，佢哋終於可以搵到一個DQ晒全世界嘅理據」。
何續說，她當下做了兩個決定，「我第一個決定就係唔走」。
第二個決定，有關是否要表態反對《國安法》。何先解釋，她以往作為記者，了解內地政治犯的情況，也熟悉內地刑法及國安法，「香港人都會知道，劉曉波、許志永呢啲案例⋯⋯簡單嚟講，就係以言入罪。喺中國大陸你印一張『平反六四』嘅紙，貼喺巴士站度，你都瀨嘢㗎喇」。
「喺當時我真係冇辦法設想，究竟一條咁嘅法例，擺落一個普通法法制入面會發生咩事，我只能根據我對大陸嗰個實行情況嘅了解去做判斷，但我at that point in time，我已經講咗好多瀨嘢嘅嘢喇。」
法官陳仲衡質疑，何理應思考未來，而非回望過去。何桂藍笑言：「呢個係一個普通法logic嘅諗法，但因為佢納入（《基本法》）附件3，冇人知佢會唔會retrospective（回溯）咁計一啲嘢。」
李運騰追問，她有否因《國安法》的消息改變她原有的參選方向？何指，她作為一個「怕死」的香港人，沒有再發表一些比以往更激進的言論，「但係以前已經講開嘅嘢，都已經講咗，無辦法確保佢唔係retrospective嘅話呢，就繼續講喇。」
「作為追求民主嘅人 唔反對一條咁嘅法律係自相矛盾」
何又解釋，她作為前記者，在宣布推行《國安法》前，在初選中有很大優勢，「我係白紙一張，好難去DQ我，但如果我公開講反對《國安法》，我當時嘅判斷就係我一定會被DQ。」但當時她認為，即使她不完全理解《國安法》，看見「四大罪名」及中國官員所用的字眼，「我會認為作為一個追求民主嘅人，唔反對一條咁嘅法律係自相矛盾」。
Beel追問，她何時知道自己一定會被DQ？
何憶述，她約在2020年5月21日，在自己的FB專頁發布帖文，表態反對實施《國安法》。法官李運騰關注，這並不是Beel所問的問題。
「我嘅意思係，嗰個moment，我就知一定DQ。」【初選47人案報道結集】
法院：高等法院（西九龍裁判法院暫代）
法官：國安法指定法官陳慶偉、李運騰、陳仲衡
控罪：串謀顛覆國家政權罪
被告：鄭達鴻、楊雪盈、彭卓棋、何啟明、劉偉聰、黃碧雲、施德來、何桂藍、陳志全、鄒家成、林卓廷、梁國雄、柯耀林、李予信、余慧明、吳政亨
列席被告：岑敖暉、黃之鋒、馮達浚、朱凱廸、梁晃維、譚凱邦、胡志偉、劉頴匡、袁嘉蔚、吳敏兒
法律代表
控方：副刑事檢控專員周天行及萬德豪、署理助理刑事檢控專員羅天瑋
案件編號：HCCC69/2022
