中學男教師被控3年前校內非禮女生　事主稱其後才追究因被告涉另案罪脫　不想被告返校害到他人

分享文章

36歲中學男教師涉於2023年，在學校音樂室內的儲物室非禮中三女學生，並企圖與對方性交不果，他否認4罪，案件今（20日）區域法院開審。庭上播放事主的錄影會面，她表示起初不打算追究，惟其後同校一名「師姐」控告被告，最終被告獲裁罪名不成立，她不想被告回校「害到其他人」，才決定追究。事主以視像作供時補充指：「被告同好多學校嘅女仔都好熟嘅，就係驚佢可能都對下一個女仔咁樣做囉。」

辯方盤問時指，事發後，事主曾向被告投訴遭同學欺凌，質疑若本案指控屬實，「佢係侵犯你嘅人喎」，為何仍向被告投訴？事主哽咽道：「咁係佢一時衝動啫，我都冇辦法，我俾人鬧，咁我可以點呀？」事主又指，直至2024年底「諗通咗」，始對自己曾認為被告「一時衝動」感後悔，並向校方投訴。審訊明續。

訂閱《庭刊》

被告為代號T.M.Y.（案發時36歲）被控4項控罪，包括2項「猥褻侵犯另一人」、「企圖與年齡在16歲以下的女童非法性交」及「與或向年齡在16歲以下的兒童作出猥褻行為」罪，案發地點均為某學校音樂室內的儲物室。首項控罪發生在2023年6月13日，其餘3罪則發生在同年7月14日。

被告教音樂科　其中一罪涉企圖與女童非法性交

承認事實指，女童X生於2008年，案發時為14歲，在涉事中學就讀中三，被告於該校任教音樂科，亦是合唱團的負責老師，他於2024年11月12日被捕。

事主X今以視像作供，法官練錦鴻向X表示：「呢單案件其實好嚴重㗎，一旦裁定罪成，對當事人影響好大，希望你要明白，你作出呢個決定作證告呢個人，亦都唔係容易嘅決定嚟㗎，講返自己唔想再諗嘅嘢，係咪？你而家上到嚟，我希望你盡量將事實經過講出嚟。」法官又指，這不是記憶比賽，如X無法憶起或不肯定，可如實告知。

事主述經歷　包括摸胸拍打臀部及被要求口交等

庭上播放X的錄影會面片段，提到2023年7月14日、即中一新生註冊日，她當天回校買校服，並到音樂室將一個襟章交還被告，被告搭着她的肩，將她帶入音樂室的儲物室，親吻其臉部，被告要求她跪下幫他口交，又嘗試將下體插入X的陰部，但不成功，被告遂在她面前自慰及射精，被告用紙巾清理時說出類似「好愧疚」的話，她當下認為「可能佢知錯」。

至於另一次發生於同年6月的事件，X指，被告着她在音樂室等候，並在儲物室擁抱她，「跟住講咗一大堆嘢」，開始摸其胸部，又隔着校服拍打她的臀部。

在會面中，X被問發生第二次事件後的感覺，X表示已不記得，但指「嗰陣時諗住，算啦，冇諗住再追究嘅」，惟其後一名控告被告的師姐「輸咗」，被告在該案「打贏咗」並獲裁罪名不成立，「費事佢（被告）返嚟，害到其他人就唔好啦」，故決定追究。

控方在主問時，關注X所指的「驚被告返嚟害到人」是何解？X回答：「因為被告同好多學校嘅女仔都好熟嘅，就係驚佢可能都對下一個女仔咁樣做囉。」X又指覺得被告奇怪，但無即時告知信任的人，因若然老師知悉此事，其家人亦會知道，「我嗰時唔想屋企人知」。

事後仍與被告通訊　沒嬲沒驚「因覺得佢一時衝動」

辯方盤問X時指，X指稱兩次事件發生期間，X仍繼續參與合唱團活動，質疑道：「點解你唔避開佢？你冇感覺到尷尬？」X回答：「佢自己做呢啲嘢都唔覺得尷尬，邊有得我尷尬呀？」辯方遂問：「即係你唔尷尬？」X反問：「我尷尬，咁又點？」X最終確認自己感到尷尬。辯方即指，X大可不參與活動，X稱不參與課外活動需要交醫生紙，而當時朋友亦一同參與，「所以我唔會唔去」。

在盤問下，X同意兩次事件發生後，她繼續與被告通訊，其中於2023年8月，她向被告投訴遭同學網上欺凌。辯方質疑，若然已發生涉案事件，X為何仍向被告投訴？X表示：「因為我唔知可以同邊個講囉。」辯方進一步指，若X所指屬實，「佢係侵犯你嘅人喎」，X哽咽道：「咁係佢一時衝動啫，我都冇辦法，我俾人鬧，咁我可以點呀？」公眾席亦有數名人士落淚。

辯方續舉例，指X在陸運會主動找被告合照；同年11月13日，X曾在Signal向被告發訊息「叫佢幫你打校呔」，X確認曾發出此訊息，但解釋指「唔係叫佢直接幫我打（呔），係喺佢頸上面打完先俾我」，而實際上後來「我叫另一個老師幫我打（呔）」。辯方詢問X，自涉案事件發生後，X是否「一啲都冇驚被告、一啲都冇嬲被告」？X稱：「係呀，因為我覺得佢一時衝動囉。」